Etxea(e)ko Euskararen

Bizkaiko Emakume Sortzaileen Topaketaren (BEST) bigarren edizioa egingo dute Bilboko Euskalduna Jauregian, urriaren 21ean. Aurten, Eulalia Abaitua argazkilaria omenduko dute.

Ekimenaren webgunean jasotzen denez, “iaz gure lehen zita izan genuen eta, dagoeneko, urtebete igaro da eskua elkarri heldu genionetik. Ez dira gutxi ordutik elkarrekin partekatutako begiradak, gogoetak, lanak, akordeak, berbak, sareak.. Bidezidor baten hasiera elkarrekin marraztu genuen eta, pausoz pauso, bidezidorra kale nagusi bilakatzen ari gara”.

Hauxe izango da jardunaldiaren egitaraua:

Argazki erakusketa egun osoan zehar: Eider Iturriaga, Sil Skynet eta MaraMcMiller

GOIZEKO EGITARAUA: HITZA

10:00-11:00 Mahaingurua: Zer behar dugu sortzaileok?

• Gidaria: June fernandez
• Hizlariak: Eire Larrea, Kristina Mardaras, Eider Iturriaga eta Miren Ibarluzea

11:00-11:45 Ariketa kolektiboa, Artaziak Koopen eskutik.

12:15-13:15 Mahaingurua: Noiz izendatzen dugu gure burua sortzaile?

• Gidaria: June Fernandez
• Hizlariak: Irantzu Varela, Uka La Dotline, Olatz Gorrotxategi eta Izaro Ieregi

13:15-14:15 Ariketa kolektiboa Artaziak Koopen eskutik.

ARRATSALDEKO EGITARAUA: EKINTZA

17:30 Iholdi eta Ibabe Beritain

18:00 Lorelei Green

18:30 Adriana Bilbao

19:00 Emakumeek egindako artisau garagardo dastaketa Boga eta La Txika de la Cervezaren eskutik

19:30 BERTSOPOTORRE: Ane Lindane, Raquel Torres, Maria Blanco, Mirari Martiarena, Oihana Bartra, Jone Larrinaga, Maite Sarasola eta Nere Ibarzabal.

Zerbitzuak: Aldibereko itzulpena, zaintza eta streaming.

Izena emateko, hemen.

Azkue Fundazioak eta Euskal Idazleen Elkarteak (EIE) ekoitzitako literatura feministari buruzko Ahots Planeta podcastaren hirugarren edizioa aurkeztuko du zuzenean Idoia Carramiñana podcastgileak, Albina Stardust drag artista ondoan duela.

Euskararen Etxean egingo dute emanaldia, urriaren 19an, 19:30etik aurrera, Hi(ZKI)bridoak kultur egitaruaren barruan.

“Ahots Planeta literatur-podcastaren 3. denboraldia abiatuko du emanaldiak: Idoia podcastgileak denboraldian zehar aipatuko diren gaiei helduko die Albina Stardust-ek lagunduta; norberarenetik eta jolasen bidez, baina literaturarekin lotura eginez betiere”.

2001ean Europako Kontseiluak irailaren 26a Hizkuntzen Europako Eguna izendatu zuen. Egunaren xedea hizkuntzen ikaskuntza sustatzea da Europa osoan, heldu zein gazteen artean (Wikipedia).

Horren harira, hizkuntzei buruzko datu interesgarri batzuk bildu ditugu: “Agian hizkuntzei buruz ez zenekizkien 10 gauza”.

Hiru dira Hizkuntzen Europako Egunaren helburu nagusiak:

1. Hizkuntzak ikasteak duen garrantzia azpimarratzea eta ikasten diren hizkuntzak dibertsifikatzea, modu honetan eleaniztasuna eta kulturen arteko komunikazioa sustatzeko.
2. Europako hizkuntza eta kultura aniztasuna sustatzea, babestu eta bultzatu beharreko aberastasun gisa.
3. Hizkuntzak etengabe ikastea sustatzea, eskolan zein eskolaz kanpo.

Egun honetan hainbat ekitaldi eta lehiaketa antolatzen dira jendearen parte hartzea sustatzeko. Informazio gehiago, hemen.

Euskararen Etxeak eta Euskal Idazleen Elkarteak KEA ikuskaria ondu dute urriaren 5ean Euskararen Etxean, 19:30etik aurrera; ikuskizunak bertsoa eta antzezpena batzen ditu; Ondarearen Europako Jardunaldien XXIII. Kanpainaren baitan egingo da.

Agertokian, hauexek izango dira: Uxue Alberdi eta Miren Amuriza bertsolariak eta Aiora Sedano eta Irati Agirreazkuenaga aktoreak.

Halaber. ikuskizunaren gidoia Leire Vargasek idatzi du, Mikel Ayllon zuzendaritzaz arduratu da, eta eszenografia ATX Teatroak ondu du.

Hauxe da sinopsia: “KEA Liburuxkak bildutako testu klasikoetatik abiatuta antzerkia eta bertsolaritza uztartu duen emankizuna duzue hau. Zeri idatzi diete bizkaitarrek? Zergatik egin dute? Zer geratu da bazterrean? Eta zer geratu da idatzi barik? Ekaia, erleak, denbora… kearen bidez harilkatuta helduko zaizkio gaiak ikusleari”.

Erreserbak egiteko: komunika@idazleak.eus

Jardunaldia Donostiako Tabakaleran kokatutako Kutxa Kultur Plazan egingo dute, irailaren 26an, 18:00etatik 19:30era. Parte-hartzaileak hauexek izango dira: Amaia Astobiza Uriarte, Ana Morales Carro, Danele Sarriugarte Mochales. Streaming bidez ere ikusi ahal izango da.

EIZIEren arabera, “Azkenaldian feminismoaren alorreko testu asko ekartzen ari gara euskarara, eta, apurka, bagoaz corpus txukun bat osatzen. Edukiei dagokienez, testu horiek erdiguneko zein bazterretako gogoeta eta eztabaida feministak elikatzen dituzte; terminologiari eta diskurtsoari dagokienez, berriz, nola eragiten diote elkarri bi alderdi horiek, hau da, gogoetak eta praktikak, batetik, eta testu-sorkuntzak, bestetik? Itzultzaile gisa, zer baliabide dugu testu idatzietako terminologia bateratzeko? Lortzen dugu mugimendu feministaren hizkuntza-ohiturak jasotzea eta haren gabeziak betetzea?”.

Informazio gehiago, hemen.

Euskarazko kultur ekitaldien sorkuntzarako Hi(ZKI)bridoak laguntzaren hirugarren deialdia abiatu du Euskararen Etxeak.

Laguntzak 3.000 euroko saria bideratuko du 2024ko Hi(ZKI)bridoak zikloan estreinatuko den ekitaldi bat garatzeko.

• Euskarazko kultur emanaldi berriak sortzen laguntzea eta ezagutaraztea eta disziplina eta adierazpide desberdinetako sortzaileen arteko elkarlana sustatzea eta indartzea du helburu Hi(zki)bridoak laguntzak.
• Euskara hutsezko kultur emanaldi berri baten gidoia eta emanaldia bera sortzea eta garatzea. Aukeratutako lanaren lehenengo emanaldia 2024ko Hi(ZKI)bridoak kultur zikloaren baitan eskaini beharko da. Emanaldiak formatu txikian egiteko modukoa izan beharko du eskatzen da.
• Hautatutako lanak 3.000,00€ko ordainsaria jasoko da.
• 2023ko azaroaren 20an amaituko da lanak aurkezteko epea.
• Epaimahaiak abenduaren 18an emango du hartutako erabakiaren berri.

Bost kidek osatuko dute beka honetako epaimahaia: Eneko Sagardoy aktoreak, Lutxo Egia idazleak, Haizea Barcenilla arte-kritikariak, Onintza Enbeita bertsolariak eta Iurdana Acasuso Azkue Fundazioko zuzendariak.

OINARRIAK, hemen.

“Hau gerra bat da”

Iaz, Piszifaktoria Ideien Laborategiak aurkeztutako Hau gerra bat da egitasmoak jaso zuen Hi(ZKI)bridoak laguntza. Ikuskizun hori azaroaren 29an aurkeztuko dute Euskararen Etxean, 19:30etik aurrera.

Piszifaktoria Ideien Laborategiak aurkeztutako proposamenean jasotzen denez, Hau gerra bat da “murgiltze esperientzia bat da, (…) polifonia erritmiko bat”: “Lau lengoaia izango ditu puzzle honek: hitza, musika, dantza eta mugimendua edo antzerki fisikoa. Rapsoda bat, antzezle bat, dantzari bat eta musikari bat arduratuko dira guztia josteaz”.

Euskal literatura sarean hedatzen duen Booktegik Jaialdia ondu du Usurbileko Sutegi Kultur Etxean eta Zumarte Musika Eskolan urriaren 28an. Egun horretan, hala nola, kontzertuak, hitzaldiak eta solasaldiak izango dira goizetik iluntzera arte. Iaz lehenengo edizioa antolatu zuten plataformaren bosgarren urteurrena ospatzeko.

Aurtengo partaideak, besteak beste, Nere Ibarzabal, Eneko Bidegain, Arrate Egaña, Ugaitz Agirre, Miren Gorrotxategi, Maitane Perez, Maialen Akizu, Beñat Barandiaran, Harkaitz Cano, Maite Larburu, Petti, Oihana Maritorena, Noaua Elkarte, Udarregi Ikastola, Nagore Legarreta, Ibai Arrieta, Joseba Urzelai, Jon Urbe, Mendi Urruzuno, Lander Rezola, Gari Garaialde, Idoia Unzurrunzaga eta Xabier Artola izango dira.

Informazio gehiago, hemen.

Urriaren 13a izango da lanak aurkezteko epemuga. Irabazleak urtebete izango du eleberria idazteko eta Elkar argitaletxeak argitaratuko du ondotik.

• Deialdi honetara, eleberriak idazteko proiektuak aurkez litezke, jatorrizkoak eta euskaraz sortuak, beste inondik moldatu gabeak eta aurretik saririk jaso edo argitaratu ez direnak.
• Beka hau behin irabazten duenak ezingo du berriz parte hartu.
• Proiektuak urriaren 13 arte bidali ahal izango dira Ondarroako udaletxera bide telematikoak baliatuta ondarroa.eus bidez nahiz udal erregistro orokorrean aurkeztuta – Herritarrentzako Arreta Zerbitzua (Kanttoipe kalea, 3, behea –946 833 672– orokorra@ondarroa.eus).

Partehartzaileek ondorengoak aurkeztu behar dituzte atxikitako dokumentuetan:

• Landu nahi duen kontakizunaren azalpena, bi mila eta sei mila karaktere bitartekoa, egoki  iritzitako ezaugarriak zehaztuz, hala nola, argumentua, egitura, luzera, estiloa, etab.

• Idazlanaren lagina edo erakusgarria, hamabost mila eta berrogei mila karaktere bitartekoa, ez nahitaez kontakizunaren hasierakoa, baina bai zati bakarra osatzen duena.

• Egilea identifikatzeko datuak: izen-abizenak eta nortasun agiria (beharrezkoa denean, inprimakia beteta). Eta egilearekin harremanetan jartzeko bideak: helbidea, posta elektronikoa eta  telefonoa.

Informazio gehiago, hemen.

• Euskararen bizi indarra eta aniztasuna ezagutzeko bisita
• Bilboko Euskararen Etxean kokatutako Euskararen Interpretazio Zentroa berritu dugu.
• Bisita esperientzial eta ludiko batetik abiatuta, bisitariak euskararen izaera poliedrikoan murgilduko dira.
• Erakusketak baikorra, abegikorra eta zabala izan nahi du.
• Ikasleentzako Eskola Programa berria diseinatu dugu.

EUSKARAREN INTERPRETAZIO ZENTROKO ERAKUSKETAK hainbat atal ditu:

• Egunez eguneko egoera jasotzen duen datu-basea. 

• Historia begiratua. 

• Hitzekin jolasteko aukera. 

• Transmisioa eta aniztasuna ezagutzeko ikus-entzunezko kanpaiak. 

• Etorkizunerako erronkak. 

• Euskal kulturaren aberastasun eta kalitatea.

ESKOLA PROGRAMA BERRIA 


•  LH1, LH2 eta LH3: Hizkuntza aniztasuna munduan eta gugan, euskararen aniztasuna ezagutzeko.
• • LH4, LH5 eta LH6: Berbak batzen, hitz konposatuen jolasa.
• • DBH1 eta DBH2: Euskal erreferenteen bila!, gure kulturako euskal hiztunak ezagutzeko. 

• • DBH3, DBH4 eta Batxilergoa: Euskararen Etxeko Lorategia, sormena eta euskara lantzeko. 


*Gure hezkuntza programa Heziberri 2020 legearen konpetentzietan oinarritzen da. 


Euskararen Interpretazio Zentroa bisitatzea doakoa da

Informazio gehiago, hemen