Etxea(e)ko Euskararen

Mondragon Unibertsitateko STAMM ikasle-taldeak sustatu eta koordinatu du Ondarea Bizkaia bideo-lehiaketa, zeina 2024ko Ondarearen Europako Jardunaldien esparruan antolatu dena.

“Bizkaiko gazteria kontuan hartzen duen lehiaketa da, gure ondare baliotsua modu biralean zabaltzeko helburuarekin. Gainera, parte-hartzaileok sari erakargarriak irabazteko aukera izango duzue”.

Erronka

Bizkaiko ibilbide, bide historiko eta ibilbide kulturalak, monumentu historikoak… kamera baten bidez hilezkortzea, bere sormenagatik, balio hezitzaileagatik eta berrikuntzagatik nabarmenduko den bideo bat sortzeko asmoz. Izena emateko bi adin-kategoria daude: 11 urtetik 17ra eta 18 urtetik aurrera.

Baldintzak

Iraupena: Bideoek gutxienez minutu bat eta gehienez 5 minutu iraun beharko dute. Bizkaiarekin lotutako ondarea izan behar da. Parte-hartzaileak: Aurkezten den bideo bakoitza 2-5 partaidez osatutako talde batek egin beharko du.

Nola parte hartu?

Bideoa otsailaren 18a baino lehen bidali beharko da.

Sariak

Irabazleak martxoaren 4an aukeratuko dira, sormenean, hezkuntza-balioan eta berrikuntzan oinarrituta. Adin-kategoria bakoitzeko sari bat egongo da. “Merezi dituzuen sariei buruz eztabaidatzen ari gara, baina hemen spoiler bat: VIPpalkoaAthleticen,BBKLive,UraBere Bidean, … Gainera, finalistak Young European Heritage Makers lehiaketan parte hartzeko hautatuko dira”.

Izena emateko, hemen.

Leixuri Arrizabalaga Euskara, Kultura eta Kirol diputatuak Bizkaiko foru museo, areto eta interes historikoko guneetako 2024ko programazioa aurkeztu du, Gurean zeurea. Vive lo que somos lelopean.

Arrizabalarekin batera, Asier Madarieta BizkaiKOAko zuzendari gerentea, Begoña de Ibarra Kulturako zuzendari nagusia eta museoetako zuzendariak izan dira.

Hala, Foru guneen programazioak aldi baterako 16 erakusketa berri eskainiko ditu aurten, gure kulturaren eta ondarearen inguruan  antolatu direnak. Arkeologia Museoak “Neandertales. La Historia de la otra humanidad en los Pirineos Occidental” eskainiko du; bere Piezaz Pieza programaz gain, non bere bildumako piezak erakutsiko dituen,” “La pieza Invitada: La Esfinge del Teatro de Mérida. PVRO TEATRO” aurkeztuko du Oiassoko Erromatar Museoaren eta Meridako Hiri Monumentalaren Partzuergoaren lankidetzarekin. Arrantzaleen Museoak “Bermeo. Portu Zaharra 1880-2024” aurkeztuko du; Euskal Herria Museoak aldi baterako hiru erakusketa izango ditu:”Todo mejora con la alimentación ecológica-Eko Lurra“; “Arturo Acebal Idigoras. Entre Euskadi y Argentina“; eta Sonia Ruedaren “Hitz politak”. La Encartada Fabrika-Museoak bi aldi baterako erakusketa ditu programatuta: “Paisajes desvanecidos en el aire”; eta  “De la Cámara a la aguja”, Euskal Museoak ekoizten duena.  Bakion Museo del Txakoli-Txakolinguneak urtean zehar lau erakusketa antolatuko ditu: “Txakomic“; “Mairin Mitchell: Euskaldunen Kronista Irlandarra“; “Bakioko Margozaleak” eta “Txakolina“. El Pobaleko burdinolak “Señales del tiempo. Burdinaz forjatutako haize-orratzak” erakutsiko du Euskal Museoak utzitako haize-orratz bilduma batetik abiatuta. El Pobaletik gertu, Muñatones gaztelua dago; bertan erakusketa-unitate berri bat egongo da, ustez Abraham Cresques Mallorcako XIV. mendeko geografo eta kartografoak egin zuen mapamundi bat. Bilbon, Ondare Aretoak bi erakusketa izango ditu: “Clemente & Jesús Arraiz“; eta “D, Abraira“. Gainera, Rekalde Aretoak Juan Carlos Eguillorren atzera begirakoa erakutsiko du.

Egitarauari buruzko informazio gehiago, hemen.

Gernikako-Lumoko Astra eraikinean egingo dute larunbatean, hilak 27, Bertso Eguna.

Bertsozale Elkarteak jakinarazi duenez, hasiera batean kantatu behar zuen Amets Arzallusen ordez, Sustrai Colina arituko da.

Etxahun Lekue, Maialen Lujanbio eta Saioa Alkaiza izango dira gainerako bertsolariak, eta Aitor Etxebarriazarraga eta Idoia Anzorandia gai-emaile lanetan ariko dira. Saioa 17:30ean hasiko da, eta aurretik bazkaria izango da, 15:00etan.

Bertso Eguneko egitaraua baina, goizago hasiko da: “10:30ean dute bertsozaleek hitzordua Muxikan, Ariatzan. Bertakoa da Garriko bertso-eskola, aitzindarietako bat bertsotarako elkargune izateari dagokionez. Ondoren, 12:00etan, Astra aurrean elkartuko dira zaleak eta lurralde ezberdinetako bertso-eskolak ariko dira tabernaz taberna ibilbidea osatuz”.

Azkenik, arratsalde-iluntzeko saioaren ondotik, DJ Bull-ek musika jarriko du, Astrako giroa berotzeko asmoz.

Informazio gehiago, hemen.

Ermuko Izarra eraikinean antolatuko du Topaguneak aurtengo Topaldia, otsailaren 1ean, 9:00etatik 14:00etara bitarte, Euskaltzaleon sareak josten: aktibismoa eta komunitateak lelopean.

“Euskaltzaleen mugimenduarentzako interesekoak diren gaien gainean hausnarketa egitea da Euskaltzaleen Topaguneak urtero antolatu ohi duen jardunaldiaren helburua.  (…)Topaldia da Euskaltzaleen Topaguneak berrikuntzarako eta etorkizuneko estrategiak eta ekimenak pentsatzeko baliatzen duen tartea”.

Jardunaldiaren egitaraua, beheko irudiak ikus dezakezue.

Izena emateko, hemen.

Baztan bailarako Aniz, Arizkun, Berroeta, Elizondo, Erratzu eta Irurita udalerrietan egingo da (H)ilbeltza, hil honen 22tik 28ra bitarte. Astea oparoa izango da, askotariko jarduerak bilduko baititu, tartean, solasaldiak eta mahai-inguruak, bertso-saioa, Miranderi buruzko dokumentala eta noir generoko nobelen aurkezpenak.

Honatx egitaraua:

Urtarrilak 22:

Idazleekin solasean, VI. (H)ilbeltza bekaren irabazlea: Altxa, hildakoak Fred Vargasen eleberriaren itzulpenaren inguruko solasaldia, Beñat Irastorza Ugalde itzultzailearen eskutik.

Arizkungo Medikuaren etxean, 19:30ean.

Urtarrilak 24:

Eusebio Erkiaga: Arranegitik bertze auzo batzuetara, Miren Agur Meaberen solasaldia.

Anizko Mendiarte elkartean, 19:00etan.

Urtarrilak, 25: 

Jon Alonsoren Carvalho Euskadin liburuaren aurkezpena.

Elkarrizketatzailea : Irati Jimenez.

Berroetako Gure ametsa elkartean, 19:00etan.

Urtarrilak 26:

Mirande, film bat egiteko zirriborroa dokumentala, Josu Martinez zuzendariarekin.

Iruritako Gizarte Bilgunean, 19:30ean.

Urtarrilak 27:

Mahai-ingurua: Sorgin-ehiza Euskal Herrian

Parte-hartzaileak: Amaia Nausia Pimoulier, Asisko eta Juainas Paul Arzak hizlari.

Moderatzailea: Ane Eslava.

Arizkunenea kultur etxean, Elizondon, 11:00etan.

Bazkaria, Erratzuko Elkartean, 14:00etan.

Liburu aurkezpenak, 17:00etan.

-Ernesto Prat: Mendeku eskubidea.

-Mikel Begoña: Hiru etxe Santa Monikan.

-Xabier Lasa: Ura ez baita beti gardena.

Ebaltz, Susmagarrien gaua, Erratzun barna, 18:30ean.

Urtarrilak 28:

Erraiak etsai, itzuli beltza Beartzunen.

Elizondoko plazan, 10:30ean.

Bertso-saioa: Izu-gar-irrizkoa.

Gai jartzailea: Amaia Agirre.

Bertsolariak: Nerea Ibarzabal, Alaia Martin eta Saioa Alkaiza.

Arizkunenea kultur etxean, Elizondon, 19:00etan.

Informazio guztia, hemen.

Loraldiak ondutako Sormen Ola zikloak 16 eta 29 urte bitarteko gazteei zuzendutako  trebakuntza-lantegi teoriko-praktikoak biltzen ditu. Amancay Gaztañagak zuzendutako Aktore garaikide baten bidezidorrak saioak zabaldu zuen iragan abenduan bost hitzorduko programa.

Bost orduko lantegiak izan ohi dira, eta, 2024an, beste lau egingo dira, Bilbon kokatutako Bizkaia Aretoan. Lantegiak eskarmentu handiko sortzaileek gidatuko dituzte:

• Sara Zozaya musikaria, Emoziotik Kantura, urtarrilak 27.
• Harkaitz Cano idazlea, Ideiatik narraziora, otsailak 17.
• Urko Olazabal ziengilea, Kamera aurrean eta atzean, martxoak 9.
• Antton Telleria aktorea, Umorearen aurrean zutunik, apirilak 20.

Loraldia Kooperatibak ondutako programa honen helburuak hauexek dira:

• Euskal kulturaren transmisioa gazteen artean sustatzea
• Gazte kultur zale sustatzea
• Gazteak kultur profesional erreferenteekin harremanetan jartzea
• Sormena eta irudimena bultzatzea (ideia berriak, formatu berriak…)

Informazio gehiago, hemen.

Metrokoadroka kolektiboaren Artxibo biluzia egitasmoak eskuratu zuen estreinako Joan Mari Torrealdai beka 2023an, Usurbilgo Udalak eta Jakin aldizkariak sustatua.  Bada, igandean, urtarrilak 14, aurkeztuko dute beka horren emaitza Usurbilgo Sutegiko auditoriumean, 18:00etatik aurrera.

Joan Mari Torrealdairi bere atxiloketa unean kendutako dokumentazioaren inguruan ardazten da proiektua. Eszenatokian bi aktore izango dira, Intza Alkain eta Javier Barandiaran. Marina Suarez Ortiz de Zarate eta Oier Guillan zuzendaritza eszenikoaz arduratu dira,  Idoia Beratarbide zuzendaritza artistikoaz. Danele Sarriugarte, Maria Elorza eta Nagore Legarretak ere parte hartu dute proiektuan.

Metrokoadroka kolektiboaren webgunean jasotzen denez, “Dokumentazio lana iraganaren inguruan narrazio bat sortzen lagundu ahal digun langintza da. Narrazio hori beti orainean ematen da, gaurko begiekin, eta etorkizunera proiektatzen da, arrastoek beren kabuz denboran hitz egingo duten itxaropenarekin. Ikerketa eszenikoko proiektu honetan Metrokoadroka kolektiboak prozesu horren une bati erreparatu dio batez ere: izan daiteke dokumentua, bere horretan, akzio bate pizgailua? Izan daiteke dokumentu bat gorputzak martxan jartzen dituen detonantea?”

Informazio gehiago, hemen.

ARTXIBO BILUZIA teaser from metrokoadroka on Vimeo.

Altsasun, Baionan, Donibane Garazin, Durangon, Gasteizen, Maulen eta Tolosan pantailaratuko dute pelikula asteburu honetan; XX. mendean, Bizkarsoro udalerrian euskaldunek jasandako jazarpena kontatzen du filmak.

Josu Martinez zinegileak, -orain arte bederatzi dokumental luze filmatu ditu-, zuzendutako fikziozko lana da Bizkarsoro. “Bizkarsoro herria ez da existitzen eta, era berean, Euskal Herriko edozein herri izan daiteke Bizkarsoro. Bizkarsorotarrak fikziozko pertsonaiak dira eta, era berean, euskaraz bizitzeagatik jazarriak izan diren euskaldun guztiak dira Bizkarsorotarrak”

1914tik 1982ra bitartean gertatzen diren bost istorioren inguruan ardazten da kontakizuna. “Ahozko lekukotzetan eta idatzitako testuetan oinarritutako fikziozko bost istorio dira, bost hamarkadatako kontakizuna”.

Argia aldizkariko Gorka Peñagarikano Goikoetxeak honela iruzkindu zuen: “Bizkarsoro herri euskalduna da, jendearen joan-etorririk eta populazioaren nahaste handirik apenas bizitu duena iraganean. Lehen Mundu Gerran frantsesen bandoan borrokatu beharko du lehenik, eta nazien inbasioa jasan gero. Finean, identitateari eta hizkuntzari uko egitera behartuta ikusiko du bere burua. Programaturik dago bere heriotza, arriskuan dago, eta ondo pentsaturik egingo zaio eraso, baina pronostiko guztien kontrara, eutsi egingo dio. Eta hiltzekotan ere, badaki, autopsiarako frogak utzita hilko dela.”

Filmari buruzko informazio gehiago, hemen.

Urtarrilaren 18an eta 19an egingo da Languages Lanean hizkuntza kudeaketaren gaineko nazioarteko kongresua, Eusko Jaurlaritzako Kultura eta Hizkuntza Politika Sailak eta Ekonomiaren Garapen, Jasangarritasun eta Ingurumen Sailak onduta. Kongresua Bilbon egingo da, 18an, Euskaldunan eta 19an, Guggenheim Museoan.

Kongresuaren webgunean jasotzen denez:

Zergatik Languages Lanean Kongresua?

Lan-eremua anitza delako. Jarduera ekonomikoak gero eta anitzagoak direlako eskaintza eta eskariari dagokienean, baita hizkuntzari dagokienean ere. Hau dela eta dator Languages Lanean Kongresua: jarduera ekonomikoaren baitan, hizkuntza kudeaketaren erronken inguruan esperientziak eta ezagutza partekatzeko eta eztabaidatzeko

Norentzat Languages Lanean Kongresua?

Enpresari eta langile, bezero eta hornitzaile … Hizkuntzaren erabilerari lotutako kezkak dituen lan-eremuko pertsona orok topatuko du ezagutza interesgarria kongresuan; besteak beste, nola eman bere lekua hizkuntza bakoitzari; nola zehaztu elkarren arteko bizikidetza egokia, nola neurtu hizkuntzan duten balio ekonomikoa edota neurtezinak diren balio erantsiak.

Kongresuan, besteak beste, hauek parte hartuko dute: Jóhanna Vigdís Guðmundsdóttir-ek, Consultant and former CEO of Iceland Center Of Language Technology: Guro Refsum Sanden Irakasle elkartuak, Bi Norwegian Business School; Leire Mugerza Garatek, Mondragon Korporazioaren Kongresuko eta Batzorde Iraunkorreko presidentea, Mondragon Korporazioa, eta Sandra Sanchez Pascual-ek, Osasun eta Segurtasuneko zuzendaria, GKN Automotive. Egitarau osoa hemen.

Kongresuari buruzko xehetasun guztiak, hemen.