EIZ. Euskararen Interpretazio Zentroa

LH1, LH2 eta LH3

Hizkuntza aniztasuna munduan eta gugan

Bi jarduera desberdinetan parte hartzeko aukera dago: Hostopostoak eta Hizkuntzen mundua. Euskararen Interpretazio Zentroaren edukiak lantzeko jarduerak dira, eta bisita bakarrean egin daitezke.

Hostopostoak, mahai-jolas erraldoi bat da; bertan, hainbat proba egin eta galdera erantzun beharko dira. Hizkuntzen Munduan, aurkezpen dinamiko eta parte-hartzaile baten bidez munduko hizkuntzei eta euskarari buruz hausnartuko da.

Eskola programa 3 fasetan garatuko da, lehena eta hirugarrena aukerakoak izango dira. Bigarrena, Euskararen Interpretazio Zentroaren bisitarekin batera proposatutako jardueran garatuko da. Hala ere, egiten den lanketari etekinik handiena ateratzeko, komeni da lehen faseari zehaztutako denbora eskaintzea.

1. Fasea: Aurre ezagutza aktibatu. (Bisitan etorri aurretik ikastetxean egitea gomendatzen dugu).
Iraupena: 35-40

Helburuak:

  • Norberak hizkuntzen eta euskararen inguruan duen ezagutza neurtzea.
  • Hizkuntza aniztasunaren eta euskararen inguruan interesa piztea.

    Argibideak hemen (pdf)

2. Fasea: Euskararen Interpretazio Zentroan egingo den jarduera.
Iraupena: 90’ – 100’

Helburuak:

  • Euskararen aniztasuna eta historia landu.
  • Hizkuntzen garrantzia azaldu.
  • Hizkuntzen aniztasuna ezagutu.

3. Fasea: Ikasitakoa praktikan jartzeko unea. (Bisitaren ondoren ikastetxean egitea proposatzen dugu).

Helburuak:

  • 2. faseko jardueran landutako gaiarekin lotuta, egunerokoan norberak erabiltzen dituen hizkuntzez hausnartzea.

Parte hartzea saritu egingo da:

Eskola programan proposatutako proiektua garatzen duten ikastetxeen artean, euskarazko baliabide eta ekintzetan gastatzeko 500€ko hiru bono (bat etapa bakoitzeko) zozkatuko ditugu.

Oharra: Denon osasuna zaindu ahal izateko, bisita eguna eta ordua aurrez erreserbatzea ezinbestekoa da. Erreserbak webgunearen bitartez egin beharko dira.