Mundua
irauli duen lehen objektu industriala izeneko
berbaldia emango du Gorka Arrese editoreak astelehenean, azaroak 28, Getxoko
Punta Begoña Galeriak gunean, 19:00etatik aurrera.
Hitzaldia Liburuaren Arbolaerakusketari
lotzen zaio, zeina Arresek berak apailatu duen eta, egun, Getxoko Punta Begoña galerietan
dagoen ikusgai; hain justu, abenduaren 9ra arte.
Erakusketa ibiltaria da, eta, laster, Amorebieta-Etxanoko Zelaieta
Zentroan ikusi ahalko da, abenduaren 19tik urtarrilaren 9ra bitarte;
bertan ere hitzaldia emango du Arresek.
Gorka Arrese (1965, Zarautz) kazetaria eta argitaratzailea da. Argia, Egin, Euskaldunon Egunkaria eta Berria agerkarietan lan egin zuen. Hogeita hamar urtez Susa literatura argitaletxeko editorea izan zen, 1988tik 2018ra arte. Euskal idazle askoren lehenbiziko liburuak argitaratu ditu, hala nola Harkaitz Cano, Eider Rodriguez, Kirmen Uribe, Jon Alonso, Miren Agur Meabe, Lutxo Egia, Igor Estankona, Jon Benito, Leire Bilbao, Iñigo Astiz, Jule Goikoetxea, Beñat Sarasola eta abar. Literaturaren historiari buruzko perspektiba osoago bat izaten lagundu dio Armiarma.eus ataria osatzen jarduteak.
Abenduren 3an
ospatuko den Euskararen Nazioarteko Egunaren harira, Bizkaiko Foru Aldundiak
“Gida Bira” ekimena jarri du martxan; ekimena Euskararen Etxeak ondu du,
Bizkaiko foru museo eta aretoen parte hartzearekin.
“Gida Bira”
ekimenak gure museo eta aretoetako ondarea eta bertsogintza bilduko ditu,
bisitariei esperientzia kultural berezi eta erakargarri bat luzatzeko
helburuarekin; hain zuzen, abenduaren 3an eta 4an, goizez, museo eta aretoetan,
bisita gidatuak bertsolarien parte hartzearekin egingo dira. Hala, bertsolariek
haien ekarpen oparoa egingo diote gidarien diskurtsoari, bisitarien
gozamenerako.
Euskarak munduari begiratzeko aparteko
modu bat eskaintzen digu, eta oraingoan, begirada hori bertsolarien bidez
islatuko da Bizkaiko foru museo eta aretoetan, Euskararen Nazioarteko Eguna
ospatzeko asmoz.
Bertsolariak gidari lanetan arituko dira
museo eta aretoetako bisitetan, gure ondareari haien ekarpen oparoa eransteko
eta bisitariei gure ondarearen bestelako ikuspegi bat erakusteko asmoz.
Horiek horrela, euskara, gure ondarea
eta gure kulturaren adierazpide garrantzitsuenetariko bat batuko ditugu,
bisitariei jarduera kultural berezia eskaintzeko, betiere, Euskararen Nazioarteko
Eguna ospatzeko xedearekin.
Ekimena gune hauetan egingo da:
Bakioko Txakoli Museoa-Txakolingunea, Balmasedako La Encartada Fabrika-Museoa,
Bermeoko Arrantzaleen Museoa, Bilboko Arkeologi Museoa, Bilboko Ondare Aretoa,
Bilboko Rekalde Aretoa, Gernikako Euskal Herria Museoa, Kortezubiko
Santimamiñe, Getxoko Punta Begola Galeriak eta Muskizko El Pobaleko Burdinola
Museoa.
Halaber, museo eta areto horietan hauexek arituko dira bertsotan: Ibon Ajuria, Aitor Etxeberriazarraga, Oihana Bartra, Ander Elortegi, Imanol Uria, Miren Amuriza eta Jone Larrinaga.
Egitaraua:
La Encartada Fabrika Museoa (Balmaseda), Ibon Ajuria, abenduaren 4an, 11:30ean
Pobaleko Burdinola (Muskiz), Ibon Ajuria, abenduaren 4an, 13:00etan (Saio honetan bi gonbidatu berezi izango dira, Mari Domingi eta Olentzero)
Euskal Herria Museoa (Gernika), Aitor Etxeberriazarraga, abenduaren 3an, 10:00etan.
Arrantzaleen Museoa (Bermeo), Aitor Etxeberriazarraga, abenduaren 3an, 11:30ean.
Arkeologi Museoa (Bilbo), Oihana Bartra, abenduaren 3an, 11:00etan.
Txakoli Museoa-Txakolingunea (Bakio), Jone Larrinaga, abenduaren 4an, 12:00etan.
Santimamiñe (Kortezubi), Ander Elortegi, abenduaren 4an, 12:00etan.
Punta Begoña Galeriak (Getxo), Imanol Uria, abenduaren 3an,11:00etan (Saio hau Liburuaren Arbola erakusketaren inguruan ardaztuko da, zeina EuskararenEtxeak ondu duen)
Ondare Aretoa (Bilbo), Miren Amuriza, abenduaren 3an, 11:30ean
Rekalde Aretoa, Oihana Bartra, abenduak 3, 11:00etan, eta abenduaren 4an, gonbidatu berezi bat izango da, Yogurina Borova, 12:00etatik aurrera.
Bisita gidatuetan parte hartzeko izena eman beharko da. Horretarako, jarri harremanetan museo eta aretoekin.
Bisita gidatuetan
parte hartzeko izena eman beharko da
ezinbestez. Horretarako, jarri harremanetan museo eta aretoekin:
Museo eta aretoen kontaktuak:
La Encartada Fabrika Museoa (Balmaseda): 946 80 07 78, laencartada@bizkaia.eus
Uxue Alberdik eta Miren Amurizak Erbestez erbeste bertso saio literarioa taularatuko dute Bilbon kokatutako Kuna espazioan, azaroaren 22an. Goizalde Landabaso kazetari eta idazlea gai-jartzaile arituko da.
“Euskal Idazleen Elkarteak Bizkaiko Foru Aldundiaren laguntzari esker, kultur ondarea gaurkora ekartzeko antolatutako kanpaina da. Garai bateko emakumeek idatzitako kronika sorta bat hautatu eta ezagutaraztea da helburua; garai zailenetan ere, euskaraz idazteko grina bazela ikus dezagun”.
Iaz abiatutako Hi(ZKI)bridoak laguntzaren
lehen deialdiaren irabazlea izan zen Hitz
Esana lana, Eider Perez Martinezek eta Ane Garcia Lopezek osatutako Mejillon
Tigre taldeak aurkeztu zuena.
Laguntza horren ondorioz, 3.000 euroko jaso zuen
taldeak. Horrekin batera, ikuskizuna 2022ko Hi(ZKI)bridoak egitarauan
estreinatzeko konpromisoa hartu zuen.
Bada, ostegunean, azaroak 10, estreinatuko du
Mejillon Tigrek Hitz Esana Bilboko
Berreginen Museoan, 19:00etatik aurrera.
“Poemak eta hitzak
mutakorrak dira ahoz gora irakurtzen dituen gorputzaren arabera. Gure
erreferenteek nolako soina edo ahotsa dute? Irakurketa dramatizatua, erritmoa,
esan nahi duguna eta esateko modua, poesia, musika, gorputz adierazpena eta
performancea uztartuz”
Haurrei eta familiei zuzendutako Loa eta Laia
telesaila musikaren inguruan ardazten da, eta “euskal
kultura, ohiturak eta gizarte hobeago baten aldeko balore unibertsalak
sustatzea du helburu”.
Josu Bergara Aretxabaleta musikari eta
publizista da egitasmoaren sortzailea, bai eta telesailaren musikaren egilea
ere. Halaber, Paul Caballero arduratu da telesaila marrazteaz. Gaur aurkeztu
dute egitasmoa Bilbon kokatutako Euskararen Etxean.
Horiekin batera, Ane Martinez Martinez eta Leire Aparicio Guerrero abeslariak eta Nerea Alberdi eta David Sánchez Damián musikaren moldaketa eta produkzio arduradunak izan dira Euskararen Etxean.
2 eta 7 urte bitarteko haurrentzako egitasmoa da Loa eta Laia, eta euskararen eta musikaren inguruan ardazten da. “Musika eta euskara dira egitasmoaren ardatzak eta bi pertsonaia horiek, inguruan dituzten beste lagun batzuekin batera, euskaraz eta Euskal Herrira begira, ohiturak transmititu, edukiak landu eta jarduerak proposatuko dituzte”.
Esaterako, Gau Beltza edo Euskararen Eguna jorratuko dituzte, horretarako propio sortutako kantuen bidez. Gau Beltzari dagokiona, hain zuzen, gaur bertan estreinatuko da. Hilero eduki berri bat sortu nahi dute.
Horman
Poster kolektiboak
Souvenir obra taularatuko du
estreinakoz azaroaren 10ean, Bilboko Arriaga Antzokian, 19:30etatik aurrera.
Galaxietan barrena gertatzen den komedia da.
Igor de
Quadrak zuzendu du antzezlana, eta Xanti Agirrezabala, Matxalen De Pedro eta Larrea
Maite Aizpurua dira antzezleak.
“Espazioko ametsez horditutako hiru pertsona dira.
Souvenir, kanpamentu bat da, simulazio zientifikoaren eta parke tematikoaren
arteko laborategi hibrido bat.
Bertakoek, aldi baterako astronauta bihurturik, espazioaren konkista entseatu
eta birpentsatzen dute.
Orain, mundua ekonostiak jota hondoratzen ari dela dirudien honetan,
egunen batean planeta arteko
etorkizuneko espezie baten parte izateko promesari eusten diote.
B planeta baten aurkikuntzaren zain dauden bitartean… lurrean saiakuntzak
egiten jarraitzen dute”.
Uxue Apaolazaren Bihurguneko nasa ipuin bilduma narratiban, Leire Bilbaoren Barruko hotsak poema liburua haur eta
gazte literaturan eta Maite Mutuberriaren Irrimola
ilustrazioaren kategorian izan dira lan sarituak.
Narratiba saileko epaimahaiaren aburuz,Bihurguneko nasa (Susa) liburuak “identitatearen eta alteritatearen inguruko hausnarketa aberatsa eskaintzen du. Atseginez irakurtzen den prosa gihartsuan idatzia dago, eta elaborazio literario zehatzak nolabaiteko gordintasuna ere ematen dio, soberako azalpen eta luzamendu oroz soildurik. Edukiari ederki egokitzen zaion hizkera da, hiri handiko herrestaren dinamika bizian -ustekabean- irakurleak protagonistaren begirada ernea sumatuko du detaileen tolesduretan sakontzen”.
Halaber, Leire Bilbaoren Barruko hotsak lanaren
harira, epaimahaiak bere forma nabarmendu du, “poesia bisuala” dela
azpimarratuz. “Kaligramaren generoa berritzen du, errimaz eta erritmoz betea.
Belarriekin irakurri eta begiekin entzuteko moduko liburua da, jolastia eta umore
finez josia”.
Azkenik, Mutuberriaren lan ilustratuari dagokionez, hauxe azaldu du epaimahaiak: “album ilustratuaren kontzeptua beste dimentsio batera eramaten du, formatu zirkularrean diseinatutako liburu-objektu bat, zeinaren konposizioak esperimentazioa eta irakurketarekin jolastea ahalbidetzen duen”.
Portugaleten izan ondoren, Euskararen Etxeak
ondutako Liburuaren
Arbola erakusketa ibiltaria Ondarroan izango da ikusgai urriaren
20tik azaroaren 10era bitarte. Erakusketa Ondarroako Udalak antolatutako Literatur
Amuak egitarauaren baitan dago.
“Liburuaren arbola erakusketak liburuaren izaera azaltzen du: hizkia, idazketa, diseinua, inprimaketa. Bisitariak ezagutuko du hizkiek nolako anatomia daukaten, testuek nolako formak hartzen dituzten, liburuak zein parte dauzkan eta nola izendatzen ditugun euskaraz”.
Erakusketa Gorka Arrese editoreak apailatu du, eta Ondarroan ere erakusketa osatuko duen hitzaldia emango du.
Literatur Amuak egitarauari dagokionez,
askotariko ekitaldiak bilduko ditu, besteak beste, Leire Bilbaok Etxeko Urak poema liburuan oinarritutako
saioa egingo du; Eider Rodriguezek Eraikuntzako
materiala eleberria izango du hizpide eta Maite Sarasolak eta Enare
Muniategik Bertso Saio Feminista egingo dute.
Hemen txertatutako irudian egitarauaren xehetasun guztiak jasotzen dira.
Miren Agur Meabe
idazleak eta Miren Amuriza eta Ane Labaka bertsolariek Trinitatearen
misterioak ikuskizuna aurkeztuko
dute Euskararen Etxeak ondutako Hi(ZKI)bridoak kultur egitarauaren baitan.
Emanaldia urriaren 26an egingo da, Bilboko Berreginen Museoan, 19:00etatik aurrera.
“Miren Agur Meabe Plazak akuilatuta, kantuan jardungo dute Miren Amuriza Plazak eta Ane Labaka Mayozek. Hiruren lur partekatuak arakatuko dituzte, narrazioak eta bertso jarriak zein bat-batekoak tartekatuz”.
