Etxea(e)ko Euskararen

Aste Santuko oporraldiarekin batera, Euskararen Etxeak eskaintza berezia ondu du bisitarien gozamenerako, apirilaren 6, 7, 8 eta 9an:

Batetik, Euskararen Interpretazio Zentro berrituan bisita gidatuak eskainiko dira, 12:30ean eta 17:00etan.

Euskararen Interpretazio Zentroak (EIZ) euskararen erabilgarritasuna, bizi indarra eta aniztasuna transmititu nahi ditu. Era berean, norberaren inplikazioa aldarrikatzen du, norberak euskarari gehitu egiten baitio. Finean, euskararen askotariko izaerak batu egiten gaitu.

Bertan, zentzumenetan oinarritutako bisita ludiko eta zehatza eskainiko zaie bisitariei; hau da, bisita esperientzial eta ludiko batetik abiatuta, bisitariak euskararen izaera poliedrikoan murgilduko dira.

Bestetik, familiek edo haurrekin datozen taldeek Hostopostoak familia programan parte hartu ahalko dute.

4 eta 10 urte bitarteko umeekin etortzeko proposamen dibertigarri bezain hezigarria da Hostopostoak. Ekimenaren helburua euskaraz eta familian jolastea da. Horretarako, mahai-jolas erraldoi batez baliatuko gara. Gauza berriak ikasi, jende berria ezagutu eta euskarara gehiago gerturatzeko aukera bikaina da hau. Egin erreserba!

Euskararen Etxeak Liburuaren arbola #liburuarenarbola erakusketa ibiltaria ondu du, eta Portugaleten, Ondarroan, Getxon, Amorebieta-Etxanon, Zallan eta Gernika-Lumon izan ondoren, Bilbon kokatutako Bizkaiko Foru Liburutegian izango da, martxoaren 7tik apirilaren 29ra bitarte.

Gorka Arrese editoreak apailatu du erakusketa, eta hitzaldi bana egingo du udalerri horietako bakoitzean.

Erakusketa:

Gizakiak sortu duen gauza unibertsaletako bat da liburua. Beste batzuk dira, adibidez: gurpila, aulkia, artaziak, anestesia, elektrika.

Historiako lehen hedabide masiboa da liburua: aurreneko objektu industriala. Liburua inprimategian saldoka egiteari esker mundua bizkor aldatzen hasi zen XV. mendetik aurrera. Liburuetan esperientziak eta jakintzak elkarrekin trukatuz eta itzuliz, era askotako aurrerapenak egin ziren denbora laburrean.

Liburuaren arbola erakusketak liburuaren izaera azalduko du: hizkia, idazketa, diseinua, inprimaketa. Bisitariak ezagutuko du hizkiek nolako anatomia daukaten, testuek nolako formak hartzen dituzten, liburuak zein parte dauzkan eta nola izendatzen ditugun euskaraz.

Zuhaitz baten modukoa da liburua. Arnasa ematen du: babesa eta itzala, edertasunaren plazera eta argiaren sintesia. Liburuak zure jakin mina, pentsamenduak eta hizkuntza oxigenatzen ditu. Liburua zabaldutakoan, besarkatu egiten zaitu: zure irudimena eta inteligentzia kilikatzen ditu. Abentura bat da irakurtzea, desiraren eta askatasunaren lurralde zirraragarrietan barrena.

10 esaldi argigarri:

→ Inteligentziaren marka da marra bat / Paul Valery.
→ Alfabetoa da gizakiaren asmakizun handiena / Galileo Galilei.
→ Gure bigarren memoria da idazketa.
→ Grabatzeko modu bat da idaztea.
→ Testuak irakurtzeak jantzi egiten gaitu.
→ Orriak eta hostoak ditu liburuak, arbolak bezala. Eta enborra, eta adarrak.
→ Testua diseinatzea, inprimatzea eta jostea dira inprimategiaren eginkizunak.
→ Ugaritzea da inprimatzea.
→ Urtero 2.500 liburu inguru argitaratzen dira euskaraz.
→ Libre zara ezer ez irakurtzeko, zure inteligentziari zalantzarik sortu nahi ez badiozu.

Erakusketaren apailatzailea:

Gorka Arrese (1965, Zarautz) kazetaria eta argitaratzailea da. Argia, Egin, Euskaldunon Egunkaria eta Berria agerkarietan lan egin zuen. Hogeita hamar urtez Susa literatura argitaletxeko editorea izan zen, 1988tik 2018ra arte. Euskal idazle askoren lehenbiziko liburuak argitaratu ditu, hala nola Harkaitz Cano, Eider Rodriguez, Kirmen Uribe, Jon Alonso, Miren Agur Meabe, Lutxo Egia, Igor Estankona, Jon Benito, Leire Bilbao, Iñigo Astiz, Jule Goikoetxea, Beñat Sarasola eta abar. Literaturaren historiari buruzko perspektiba osoago bat izaten lagundu dio Armiarma.eus ataria osatzen jarduteak.

Erakusketaren helburuak:

• Liburua berez zer den ezagutzea, ulertzea eta bere garrantzia azpimarratzea.
• Liburuaren zati nagusiak identifikatzea: letraren anatomia, testuaren fisiologia eta liburuaren biologia.
• Liburuan parte hartzen duten eragileak aztertzea: idazlea, editorea, irakurlea, inprimategia.
• Euskal literaturara eta liburugintzara gerturatzea, Bizkaikoari bereziki erreparatuz.

Bisita gidatuen erreserbak egiteko, deitu telefonoz, 94 402 80 81 (astelehenetik ostiralera, 8:00-20:00) edo bidali mezua, info@euskararenetxea.eus

Ikastetxeentzat oharra: 16 urtetik gorako ikasleak soilik sar daitezke Bizkaiko Foru Liburutegira.

Informazio gehiago nahi izanez gero, jar zaitezte gurekin harremanetan.

Euskararen Etxean kokatutako Euskararen Interpretazio Zentroko (EIZ) erakusketa berriak euskararen bizi indarra eta aniztasuna transmititu nahi ditu. Era berean, norberaren inplikazioa aldarrikatzen du, norberak euskarari gehitu egiten baitio. Finean, euskararen askotariko izaerak batu egiten gaitu.

Bada, EIZ berriko erakusketak euskara kanpotik barrura ezagutzeko aukera eskaintzen du, era jostalari, umoretsu eta irudimentsuan, baina baita modu zehatz eta zientifikoan ere.

Horretarako, zentzumenetan oinarritutako bisita ludiko eta zehatza eskainiko die bisitariei; hau da, bisita esperientzial eta ludiko batetik abiatuta, bisitariak euskararen izaera poliedrikoan murgilduko dira.

Erakusketak hainbat atal biltzen ditu. Euskararen egunez eguneko egoeraz ohartarazten gaituzten adierazleak, euskararen historiari begiratua, euskal hitzekin jolasteko aukera, haren transmisioa eta aniztasuna ezagutzeko ikus-entzunezko kanpaiak, etorkizuneko erronkak, euskal kulturaren aberastasun eta kalitatea. Halaber, euskara balore positiboei lotuta dagoenez, erakusketak ere horrelakoa izan nahi du, baikorra, abegikorra, zabala. Eta zer pentsatua ere sortzen duena. Zer egin dezaket nik gizateriaren altxorra den euskararen alde?

Hori guztia diseinu garaikidez jantzi da eta eduki interaktiboz osatu da, erakusketa argia, koloretsua eta erakargarria izan dadin. Hala, bisitariak modu aktiboan arituko dira bisitan zehar, eta edukiak modu dinamikoan jasoko dituzte, betiere, bisitaren esperientzia bere osotasunean bizi eta sentitzeko asmoz.

Horiek horrela erakusketak euskara ezagutarazi nahi du, bisitariak haren edertasunaz jabetu daitezen, baina, era berean, euskarak izan dituen zailtasunez ere ohartu nahi ditu. Halere, behin euskara ezagututa, bisitariak euskarara batzea izango da erakusketaren azken xedea, euskarak maitemindu ez ezik, batu egiten baikaitu.

Erakusketaren helburuak:

Euskararen baikortasuna eta eskuzabaltasuna erakustea

Euskara era dinamikoan eta jostalarian transmititzea

Euskarari lotzen zaion boluntarismoaren indarra ezagutaraztea

Euskararen aniztasuna eta nazioartekotasuna

Euskararen izaera inklusiboa nabarmentzea

Bisitak:

Euskararen Interpretazio Zentro berria goizez eta arratsaldez bisitatu ahalko da, banaka edo taldeka:

• Astelehenetik ostiralera: 10:00etatik 19:00etara.

• Larunbatetan: goizez, 10:00etatik 14:00etara, eta arratsaldez, 16:00etatik 19:00etara

• Bisita gidatuak egiteko tarteak egongo dira, hala taldeka nola bakarka: astelehenetan eta asteazkenetan, 16:30ean, eta astearte eta ostegunetan, 12:00etan.

Ikastetxeak:

Euskararen Interpretazio Zentroko bisitari garrantzitsuak dira ikasleak, milaka etortzen baitira urtero. Ikastetxeek www.euskararenetxea.eus webgunean egin beharko dute bisitaren erreserba, gutxienez bisita eguna baino 15 egun lehenago.

• Ikastetxeen ordutegia: astelehenetik ostiralera, bi txanda izango dira goizez, 10:00etan eta 12:00etan.

Ikasleek erakusketaz gozatzeaz gain, lantegi batean ere parte hartuko dute. Horretarako lau unitate didaktiko prestatu dira:

• LH 1-2-3: Hizkuntza aniztasuna munduan eta gugan, Hizkuntzen aniztasunaren hausnarketa.

• LH 4-5-6: Berbak batzen, zer dakit euskararen inguruan? galdetegia eta hitz konposatuen jolasa.

• DBH 1-2: Euskal erreferenteen bila!, Kahoot! Lehiaketa eta euskal erreferenteei buruzko galdetegia.

• DBH 3-4 + BATXILLERGOA: Euskararen lorategia, euskararen aniztasun linguistikoaren jolasa eta artea eta euskara lotzen dituen ariketa.

Bisitei lotutako informazio guztia jasotzeko:

www.euskararenetxea.eus / Tel.: 94 402 80 81

Obrak aurkezteko epemuga maiatzak 5 izango da. Lanak euskaraz idatziak, jatorrizkoak eta argitaratu gabeak izango dira, eta bakarka edo taldeka aurkeztu ahalko dira. Autoreek nahi beste lan aurkez ditzakete, eta lanak ezizenaz sinatuta izango dira. Saria 5.000 eurokoa da.

Formatua librea da, baina lanak ez dira 20 cm (zabalera) x 21cm (altuera) baino txikiagoak izango, eta gutxienez 15 orrialde bikoitz izango dituzte (babes-orriak, azala eta kontrazala kanpo). Testuek ez dituzte 4.000 karaktere baino gehiago izango; lan mutuak ez dira onartuko.

Egitasmoak posta arrunt bidez bidaliz gero, lanarekin batera gutun-azal itxi bat entregatuko da. Kanpoan, lanaren izenburua eta egilearen goitizena izango ditu, eta barruan, berriz, izen-abizenak, helbidea, telefonoa, helbide elektronikoa, NANaren edota pasaportearen fotokopia eta egilearen aipamen bio-bibliografikoa. Lanak hona bidali beharko dira: ETXEPARE SARIA, Leitzako Udaletxea, Euskara Zerbitzua, Elbarren 1, 31880 Leitza (Nafarroa).

Informazio guztia, hemen.

Baztango (H)ilbeltza euskal nobela beltzaren IX. astea urtarrilaren 23tik 29ra egingo da. Horrekin batera, (H)ilbeltza beka ere abiatu dute: martxoaren 10a arte aurkeztu ahalko dira proiektu proposamenak.

Urtero egin ohi duten bezala, antolatzaileek genero beltzaren inguruko hamaika ekitaldi onduko dituzte Arizkunen, Anizen, Elizondon, Iruritan eta Erratzun udalerrietan.

Halaber, beka ere abiatu dute, Baztango Udalaren, (H)ilbeltza elkartearen eta Txalaparta argitaletxearen laguntzaz. Aurtengo zazpigarren beka izango da, eta 6.000 euro emango ditu genero beltzeko narratiba egitasmo bat gauzatzeko.

Bekari buruzko informazio guztia, hemen.

Aurten euskarazko kultur ekitaldien sorkuntzarako Hi(ZKI)bridoak laguntzaren bigarren deialdi abiatu dugu, eta jasotako proposamenak aztertu ondoren, Epaimahaiak deliberatu du Laudioko Piszifaktoria Ideien Laborategiak aurkeztutako diziplina anitzeko Hau gerra bat da egitasmoak jasoko duela 3.000,00 euroko Hi(ZKI)bridoak laguntza.

“Gero eta beharrezkoagoa begitantzen zaigu gerraren terroreaz hitz egitea, gerraren terrorea uxatzeko modu bakarra izan daitekeelako. (…) Kasik barne-bidaia baten modura marraztuko dugu gerra hau”.

Piszifaktoria Ideien Laborategiak aurkeztutako proposamenean jasotzen denez, Hau gerra bat da “murgiltze esperientzia bat da, (…) polifonia erritmiko bat”: “Lau lengoaia izango ditu puzzle honek: hitza, musika, dantza eta mugimendua edo antzerki fisikoa. Rapsoda bat, antzezle bat, dantzari bat eta musikari bat arduratuko dira guztia josteaz”.

Ikuskizunaren garapenean, gainera, ikus-entzuleek parte hartze aktiboa izango dute, eta formatu aldetik berritasunak eskainiko ditu. Epaimahaiak, hain justu, bi atal horiek azpimarratu ditu, hala audientziaren parte hartzea nola formatu berritzailea. Horretaz gainera, proposamenaren sendotasuna eta lanketa ere nabarmendu ditu.

Hautatutako lanak 3.000,00€ko ordainsaria jasoko du, eta lehenengo emanaldia 2023ko Hi(ZKI)bridoak kultur zikloaren baitan eskaini beharko dute.

Bost kidek osatu dute beka honetako epaimahaia: Eneko Sagardoy aktoreak, Lutxo Egia idazleak, Haizea Barcenilla arte-kritikariak, Onintza Enbeita bertsolariak eta Iurdana Acasuso Azkue Fundazioko zuzendariak.

Mundua irauli duen lehen objektu industriala izeneko berbaldia emango du Gorka Arrese editoreak astelehenean, azaroak 28, Getxoko Punta Begoña Galeriak gunean, 19:00etatik aurrera.

Hitzaldia Liburuaren Arbola erakusketari lotzen zaio, zeina Arresek berak apailatu duen eta, egun, Getxoko Punta Begoña galerietan dagoen ikusgai; hain justu, abenduaren 9ra arte.

Erakusketa ibiltaria da, eta, laster, Amorebieta-Etxanoko Zelaieta Zentroan ikusi ahalko da, abenduaren 19tik urtarrilaren 9ra bitarte; bertan ere hitzaldia emango du Arresek.

Gorka Arrese (1965, Zarautz) kazetaria eta argitaratzailea da. Argia, Egin, Euskaldunon Egunkaria eta Berria agerkarietan lan egin zuen. Hogeita hamar urtez Susa literatura argitaletxeko editorea izan zen, 1988tik 2018ra arte. Euskal idazle askoren lehenbiziko liburuak argitaratu ditu, hala nola Harkaitz Cano, Eider Rodriguez, Kirmen Uribe, Jon Alonso, Miren Agur Meabe, Lutxo Egia, Igor Estankona, Jon Benito, Leire Bilbao, Iñigo Astiz, Jule Goikoetxea, Beñat Sarasola eta abar. Literaturaren historiari buruzko perspektiba osoago bat izaten lagundu dio Armiarma.eus ataria osatzen jarduteak.

Abenduren 3an ospatuko den Euskararen Nazioarteko Egunaren harira, Bizkaiko Foru Aldundiak “Gida Bira” ekimena jarri du martxan; ekimena Euskararen Etxeak ondu du, Bizkaiko foru museo eta aretoen parte hartzearekin.

“Gida Bira” ekimenak gure museo eta aretoetako ondarea eta bertsogintza bilduko ditu, bisitariei esperientzia kultural berezi eta erakargarri bat luzatzeko helburuarekin; hain zuzen, abenduaren 3an eta 4an, goizez, museo eta aretoetan, bisita gidatuak bertsolarien parte hartzearekin egingo dira. Hala, bertsolariek haien ekarpen oparoa egingo diote gidarien diskurtsoari, bisitarien gozamenerako.

Euskarak munduari begiratzeko aparteko modu bat eskaintzen digu, eta oraingoan, begirada hori bertsolarien bidez islatuko da Bizkaiko foru museo eta aretoetan, Euskararen Nazioarteko Eguna ospatzeko asmoz.

Bertsolariak gidari lanetan arituko dira museo eta aretoetako bisitetan, gure ondareari haien ekarpen oparoa eransteko eta bisitariei gure ondarearen bestelako ikuspegi bat erakusteko asmoz.

Horiek horrela, euskara, gure ondarea eta gure kulturaren adierazpide garrantzitsuenetariko bat batuko ditugu, bisitariei jarduera kultural berezia eskaintzeko, betiere, Euskararen Nazioarteko Eguna ospatzeko xedearekin.

Ekimena gune hauetan egingo da: Bakioko Txakoli Museoa-Txakolingunea, Balmasedako La Encartada Fabrika-Museoa, Bermeoko Arrantzaleen Museoa, Bilboko Arkeologi Museoa, Bilboko Ondare Aretoa, Bilboko Rekalde Aretoa, Gernikako Euskal Herria Museoa, Kortezubiko Santimamiñe, Getxoko Punta Begola Galeriak eta Muskizko El Pobaleko Burdinola Museoa.

Halaber, museo eta areto horietan hauexek arituko dira bertsotan: Ibon Ajuria, Aitor Etxeberriazarraga, Oihana Bartra, Ander Elortegi, Imanol Uria, Miren Amuriza eta Jone Larrinaga.

Egitaraua:

• La Encartada Fabrika Museoa (Balmaseda), Ibon Ajuria, abenduaren 4an, 11:30ean
• Pobaleko Burdinola (Muskiz), Ibon Ajuria, abenduaren 4an, 13:00etan (Saio honetan bi gonbidatu berezi izango dira, Mari Domingi eta Olentzero)
• Euskal Herria Museoa (Gernika), Aitor Etxeberriazarraga, abenduaren 3an, 10:00etan.
• Arrantzaleen Museoa (Bermeo), Aitor Etxeberriazarraga, abenduaren 3an, 11:30ean.
• Arkeologi Museoa (Bilbo), Oihana Bartra, abenduaren 3an, 11:00etan.
• Txakoli Museoa-Txakolingunea (Bakio), Jone Larrinaga, abenduaren 4an, 12:00etan.
• Santimamiñe (Kortezubi), Ander Elortegi, abenduaren 4an, 12:00etan.
• Punta Begoña Galeriak (Getxo), Imanol Uria, abenduaren 3an,11:00etan (Saio hau Liburuaren Arbola erakusketaren inguruan ardaztuko da, zeina EuskararenEtxeak ondu duen)
• Ondare Aretoa (Bilbo), Miren Amuriza, abenduaren 3an, 11:30ean
• Rekalde Aretoa, Oihana Bartra, abenduak 3, 11:00etan, eta abenduaren 4an, gonbidatu berezi bat izango da, Yogurina Borova, 12:00etatik aurrera.

Bisita gidatuetan parte hartzeko izena eman beharko da. Horretarako, jarri harremanetan museo eta aretoekin.

Bisita gidatuetan parte hartzeko izena eman beharko da ezinbestez. Horretarako, jarri harremanetan museo eta aretoekin:

Museo eta aretoen kontaktuak:

• La Encartada Fabrika Museoa (Balmaseda):
   946 80 07 78, laencartada@bizkaia.eus
• Pobaleko Burdinola (Muskiz):
  629 271 516, elpobal@bizkaia.eus
• Euskal Herria Museoa (Gernika):
  946 255 451, euskalherriamuseoa@bizkaia.eus
• Arrantzaleen Museoa (Bermeo):
  946 881 171, arrantzaleenmuseoa@bizkaia.eus
• Arkeologi Museoa (Bilbo):
  944 040 990, arkeologimuseoa@bizkaia.eus
• Txakoli Museoa-Txakolingunea (Bakio):
  94 602 85 13, txakolingunea@bizkaia.eus
• Santimamiñe (Kortezubi):
  94 465 16 57, santimamine@bizkaia.eus
• Punta Begoña Galeriak (Getxo):
  94 402 80 81, info@euskararenetxea.eus
• Ondare Aretoa (Bilbo):
  94 406 77 37, ondare.aretoa@bizkaia.eus
• Rekalde Aretoa (Bilbo):
  94 406 85 32, salarekalde@bizkaia.eus

• 

Uxue Alberdik eta Miren Amurizak Erbestez erbeste bertso saio literarioa taularatuko dute Bilbon kokatutako Kuna espazioan, azaroaren 22an. Goizalde Landabaso kazetari eta idazlea gai-jartzaile arituko da.

Emanaldia Euskal Idazleen Elkarteak ondu du, eta 19:00etan hasiko da.

“Euskal Idazleen Elkarteak Bizkaiko Foru Aldundiaren laguntzari esker, kultur ondarea gaurkora ekartzeko antolatutako kanpaina da. Garai bateko emakumeek idatzitako kronika sorta bat hautatu eta ezagutaraztea da helburua; garai zailenetan ere, euskaraz idazteko grina bazela ikus dezagun”.