Etxea(e)ko Euskararen

Hainbat bisitari etorri dira Euskararen Etxera udan. Hainbat jatorritako bisitariak izan dira: Argentina, Suitza, Grezia, Peru, Uruguai, Portugal, Ingalaterra eta Frantzia.

Espaniako Estatutik etorritakoak ere asko izan dira, tartean, Sevilla, Santander eta Murtziakoak.

Euskararen Interpretazio Zentroa zabalik dago uda osoan. Zentro hori Bilboko San Ignazio auzoan kokatutako Euskararen Etxean dago.

Interpretazio zentroa publiko orokorrari, norbanakoak edo taldeak (elkarteak, euskaltegiak, turista taldeak, udalekuetako gaztetxoak, aisialdi taldeak, euskara taldeak…), zuzenduta dago: euskarari buruz gehiago jakin nahi duen ororentzat bisita gidatuak eskaintzen dira; aurrez hitzordua hartzea gomendatzen da. Horretaz gainera, ikastetxeek ere bisitatu dezakete zentroa. Bisita gidatuaz gain, euskara eta teknologia uztartzen dituen lantegian parte hartzen dute ikastetxeek.

Euskararen Etxeko lehenengo solairuan Euskararen Interpretazio Zentroa dago eta publikoari zabalik dago 2004tik. Euskarari eskainitako zentro bakarra da eta bertan hizkuntzaren inguruko hainbat eduki ezagutu daitezke. Zentroaren edukiak berritu ditugu 2012an. Sarrera doakoa da.

Oharra: Denon osasuna zaindu ahal izateko, bisita eguna eta ordua aurrez erreserbatzea ezinbestekoa da. Erreserbak telefonoz edo emailez egin daitezke: info@euskararenetxea.eus – 944 028 081.

Euskararen Interpretazio Zentroa zabalik egongo da uda osoan. Zentro hori Bilboko San Ignazi auzoan kokatutako Euskararen Etxean dago.

Interpretazio zentroa publiko orokorrari, norbanakoak edo taldeak (elkarteak, euskaltegiak, turista taldeak, udalekuetako gaztetxoak, aisialdi taldeak, euskara taldeak…), zuzenduta dago: euskarari buruz gehiago jakin nahi duen ororentzat bisita gidatuak eskaintzen dira; aurrez hitzordua hartzea gomendatzen da.

Horretaz gainera, ikastetxeek ere bisitatu dezakete zentroa. Bisita gidatuaz gain, euskara eta teknologia uztartzen dituen lantegian parte hartzen dute ikastetxeek.

Euskararen Etxeko lehenengo solairuan Euskararen Interpretazio Zentroa dago eta publikoari zabalik dago 2004tik. Euskarari eskainitako zentro bakarra da eta bertan hizkuntzaren inguruko hainbat eduki ezagutu daitezke. Zentroaren edukiak berritu ditugu 2012an. Sarrera doakoa da.

Oharra: Denon osasuna zaindu ahal izateko, bisita eguna eta ordua aurrez erreserbatzea ezinbestekoa da. Erreserbak telefonoz edo emailez egin daitezke: info@euskararenetxea.eus – 944 028 081.

Iragan otsailaren 27an egin zuten Buztinezko etorkizuna ekitaldia Itxaro Borda idazleak eta Ibon RG musikariak Bilbon dagoen Euskararen Etxean. Ekitaldia Hi(ZKI)bridoak zikloaren baitan burutu zen, Booktegirekin elkarlanean.

Bada, Booktegik ekitaldi horren zuzeneko bideoa argitaratu du gaur bere plataforman. Horrekin batera, testua bera ere jarri du eskuragarri, “Buztinezko etorkizuna, poema profetikoa”.

Euskararen Etxeak eta Bizkaiko Foru Aldundiko Euskara, Kirola eta Kultura Sailak Hi(ZKI)bridoak izeneko zikloa abiatu zuten iragan otsailean, Bilbon dagoen Euskararen Etxean. COVID-19k eragindako pandemiaren ondorioz, ekitaldi bakarra burutu zen, Buztinezko etorkizuna, otsailaren 27an. Hala, zikloan bildutako beste lau ekitaldiak ezin izan ziren egin.

Hori dela eta, ekitaldiok udazkenean egingo dira, eta errealitate berrira egokituko dira; hortaz, edukiera murriztu beharko da. Horren aurrean, ikuskizunak streaming bidez ere zabalduko dira. Honatx data berriak:

Orainmenean
Txakur Gorria Sormen Kolektiboa
Urriak 8
19:30ean

Bertsolaritzan beti kontatu izan da gizonezko bertsolarien historia. Hala ere, iritsi zaizkigun izen handi horien atzean arakatuz gero, hainbat eta hainbat plaza-andreren arrastoak agertzen dira. Horregatik, Txakur Gorria Sormen Kolektiboak ahalegina egin du bertsolaritzaren hastapenetatik gaur arteko historia hori zalantzan jartzeko eta bertsolaritzaren genealogia feminista posible bat berridazteko, ikusezin izandakoak ikusaraziz. Emakumez osatutako bertso-saio honetan, bertsolariek genealogia horren parte diren datuak eta gertaerak izango dituzte kanturako abiapuntu. Gainera, berridatzitako historiaren mugarri ezberdinetan oinarritutako irudiak egongo dira erakusgai.

Muga
Anfetamiña  Xabier Montoiaren lehen liburuan oinarritutako eta Gaztelupeko Hotsak diskoetxeak argitaratutako egitasmoa
Urriak 22
19:30ean

Xabier Montoiaren Anfetamiña liburutik abiatzen da Muga. Poesia, rock musika eta ikus-entzunezkoak batzen ditu. Xabier Montoiaren lehen poema liburua izan zen Anfentamiña, eta Alberto Gonzalez musikariak (Aterkings edo 6nemen9) kantu bihurtu du, Iñigo Romera (Cancer Moon, El Inquilino Comunista), Iñigo Eguillor (Gringo, Trampas) eta Itziar Beristain musikarien laguntzaz.  J.A. Goñi Areta Juxe argazkilariaren irudiekin jantziko dute saioa. David Bowiek ilea moztu zuen egunean hasten da historia…  

Habiak
Anariren lan homonimoan oinarritutako arte erakusketa kolektiboa, eta Anari taldeak Habiak joko du zuzenean
Azaroak 13
19:30ean

Musika eta artea lotzen dituen ekitaldia da, zeina Anariren Habiak diskoaren inguruan ardazten den: erakusketa kolektiboa izango da eta diskoan bildutako hamabi kantuen interpretazio plastikoak bilduko ditu. Anari taldeak Habiak joko du zuzenean; denbora zeharkatuko duten soinuak. Booktegik, halaber, erakusketari buruzko katalogo-argitalpena plazaratuko du bere plataforma digitalean.

Bertso saio literarioa
Mari Luz Esteban, Maialen Lujanbio eta Miren Amuriza
Abenduak 10
19:30ean

Mari Luz Estebanek kantuan jarriko ditu Miren Amuriza eta Maialen Lujanbio. Idazleak pasarte literarioak irakurri ondoren, hari loturiko gaiak proposatuko dizkie. Hiru ahots elkarlanean. Erregistro guztiak lantzeko ahalbidea ematen du. Bertso-saio baten ohiko moldeak hautsi gabe, literaturaz gozatzeko aukera eskainiko da. Ahots mutazioak.

Bilbon dagoen Euskararen Etxea eta etxean bertan dagoen Euskararen Interpretazio Zentroa berriro irekiko dira datorren astelehenean, ekainak 9. COVID-19ak eragindako konfinamendua tarteko, Euskararen Etxea itxita egon da, baina ekainaren 9an berriz irekiko ditu bere ateak.

• Euskararen Etxeko zerbitzuei dagokienez, Euskararen Interpretazio Zentroa astelehenetik larunbatera bisitatu ahalko da, 10:00etatik 14:00etara, eta 16:00etatik 19:00etara. Bisita doakoa da, baina bisitak aurretik erreserbatu beharko dira: “Denon osasuna zaindu ahal izateko, bisita eguna eta ordua aurrez erreserbatzea ezinbestekoa da. Erreserbak telefonoz edo emailez egin daitezke: info@euskararenetxea.eus – 944 028 081”. Azkeneko taldea 18:30ean sartuko da.
  
• Espazioen erabileraren harira, espazioak ordutegi honetan erabili ahalko dira: astelehenetik ostiralera, 8:00etatik 19:00etara eta larunbatetan, 10:00etatik 14:00etara eta 16:00etatik 19:00etara. Aretoak erabiltzeko, erreserba aurretik egin beharko da: info@euskararenetxea.eus – 944 028 081. Aretoak 18:30ean hustuko dira.

Bai Euskararen Interpretazio Zentroaren bai aretoen edukierak egokitu egin dira egoera berrira: “Osasun neurriak bermatzeko aretoen edukiera erdira murriztu dugu”. www.euskararenetxea.eus webgunean bildu dira xehetasun guztiak.

• Lantoki Kooperatiboaren ordutegia, halaber, hauxe izango da: astelehenetik ostiralera, 8:00etatik 19:00etara eta larunbatetan, 10:00etatik 14:00etara eta 16:00etatik 19:00etara.

Euskararen Etxeak garbitasun eta osasun neurri guztiak hartu ditu, bai eta protokoloak ezarri ere, bisitari, langile eta erabiltzaileen osasuna bermatzeko.

Besteak beste, Euskararen Etxea eta Euskararen Interpretazio Zentroa ekainaren 9an irekiko dira. Euskararen Interpretazio Zentroa bisitatzeko hitzordua aurretik hartu beharko da: Erreserbak telefonoz edo emailez egin daitezke: info@euskararenetxea.eus – 944 028 081

Bizkaiko Foru Aldundiko Kultura, Kirola eta Euskara Saialak jakinarazi duenez, museoak eta aretoak espazio seguruak izango dira, eta osasun-segurtasunaren arloan ezarritako neurri guztiak beteko dituzte. Edukiera ere espazio bakoitzaren errealitateari egokitu zaio, jendearen segurtasuna une oro bermatuta egon dadin. Jada ezagun zaizkigun neurriak hartuko dira, besteak beste, eskuak garbitzea; horretarako, gelak jarriko dira jendearen eskura.

Gainera, beste neurri berezi batzuk ere hartu dira: maskara nahitaez erabili beharko da, interaktiboak eta botoiak erabili ezinik utzi dira, ibilbideak egokitu dira eta seinale gehiago jarri dira. Aldundiaren museo- eta areto-sarea eta Euskararen Etxea ekainaren 9an irekiko dira, eta, egun horretatik aurrera, aurretiazko hitzordua hartu ahal izango da Santimamiñera eta Muñatones gaztelura joateko.

Bizkaiko museoak irekitzeko ezarri den egutegia:

Ekainak 1: Guggenheim Bilbao Museoa, Arte Ederren Museoa (Bilbo), Hontza Museoa, Antzasti Euskaldunon Etxea, Bizkaia Zubia, Gernikako Bakearen Museoa, Burdin Hesiaren Oroimenaren Museoa eta Agurtza Arrantza teknikaren Interpretazio zentroa.

Ekainak 2: Itsasmuseum Bilbao, Enkarterrietako Museoa, Eleiz Museoa, Euskal Herriko Meatzaritzaren Museoa eta Durangoko Arte eta Historia Museoa, Orozkoko Museoa eta Simon Bolivar Museoa.

Ekainak 3: Euskal Museoa eta Bilboko Artelan Berreginen Museoa.

Ekainak 6: Dolomitas Museoa eta Athletic Club Museoak ere zabalduko ditu ateak printzipioz asteburuetan bakarrik.

Ekainak 7: Automobil Zahar eta Klasikoen Museoa (Torre Loizaga).

Ekainak 9: Aldundiaren museo- eta areto-sarea, Santimamiñe eta Muñatones Gaztelua. Eta Bilboko Aste Santuko Pasoen Museoa.

Ekainak 11: Balmasedako Historiaren Museoa eta Balmasedako Pasio Bizidunaren Museoa.

Ekainak 13: Butroiko Plazentia Museoa.

Ekainak 15: Industriaren Museoa.

Euskal Abertzaletasunaren Museoa eta Medikuntza Historiaren Euskal Museoa itxita egongo dira.

Informazio gehiago: web.bizkaia.eus.

Etxepare Euskal Institutuko, Institut Ramon Llull-eko, Consello da Cultura Galega-ko eta Instituto Cervantes-eko arduradunek lehen lankidetza-hitzarmena sinatu dute, hizkuntza horiek eta haien kultura sustatzeko asmoz.

Lau hizkuntzatan hitzartutako elkarlanerako itunak lau urteko indarraldia izango du, luzatzeko aukerarekin, eta lankidetza-esparru bat ezarriko du Espainiako Estatuko berezko kultura eta hizkuntzak sustatzen dituzten jarduera komunetan parte hartzeko, bakoitzaren jarduera-esparru eta aukeren barruan.

Etxepare Instituaren arabera, hitzarmenaren bidez, besteak beste, jarduera hauek sustatuko dira: “berezko hizkuntzen eta kulturen ezagutza zabaltzea jatorrizko lurraldetik kanpo; kultura-jarduerak planifikatzea eta gauzatzea, adierazpide eta diziplina artistiko guztietan (erakusketak, kontzertuak, mintegiak, topaketak, etab.), kultura-aberastasuna eta -aniztasuna erakusteko; edota erakundeen zentroetan zabaltzeko interesgarriak diren kultur programak edo ekimenak sustatzea”. Horrekin batera,  batzorde misto bat abiatuko dute jarduera horien lankidetza-maila aztertzeko.

Irene Larraza Etxepare institutuko zuzendariaren hitzetan, «mugarri bat gehiago» da akordioa euskal kulturaren nazioartekotzean.”Zentzuduna da bidearen zati bat elkarrekin egitea eta aniztasuna elkar ulertzeko beste modu bat dela aitortzea”, nabarmendu du Larrazak. Iolanda Batallé Institut Ramon Llulleko zuzendariak, halaber, hauxe gehitu du: “Hitzarmen hau denon artean komunikatzeko estrategia baten parte da, elkarrekin urrunago iristen garelako”.

Euskararen Etxean dagoen Euskararen Interpretazio Zentroak Bizkaiko Foru Aldundiak ondutako erakusketa birtual handi batean parte hartu du Museoen Nazioarteko Egunean. Bizkaiko museo guztiek parte hartu dute ekimenean. 30 artelan baino gehiago daude herritarren eskura museoeneguna.eus webgunean gaurtik aurrera. Erakusketa maiatzaren 29ra arte bisitatu ahalko da.

museoeneguna.eus plataformaren bidez, bisitariak ibilbide birtualak egin ditzake, eta piezen bideoak eta argazkiak ikusi. Obra bakoitzari buruzko oinarrizko informazioa topatuko du bisitariak: izena eta azalpen-testu labur bat. Guztira, 34 museok parte hartu dute egitasmoan.

Bizkaiko Foru Aldundiaren arabera, “aukera paregabea da lurraldeko museoetako altxorrak osatzen dituzten piezak modu birtualean bisitatzeko, eta pieza horien bidez gure historiaren, tradizioaren, ohituren, aisialdiaren, kulturaren, sinesmenen, ekonomiaren, artearen, kirolaren alderdiak ezagutzeko”.

Guztira, 34 museok parte hartu dute proiektuan, tartean, Euskararen Etxean dagoen Euskararen Interpretazio Zentroko bideoa, Euskararen Misterioa bideoaren laburpena.

Obra eta museo guztiak ikusteko: museoeneguna.eus.

COVID-19ak eragindako itxialdia baretzeko eta arintzeko, Euskararen Etxeak hainbat denbora-pasa entretenigarri argitaratu ditu bere sare sozialetan: hizki-sopak, gurutzegramak, eta abar. Bada, ekimenak nahikoa harrera ona izan du, batez ere konfinamenduaren hasieran, eta orain, denbora-pasa horien soluzioak argitaratzeko unea iritsi da.

Denbora-pasa horiek konfinamenduan argitaratuak izanagatik ere, hainbat erabilera izan ditzakete, besteak beste, Euskaltegi eta ikastetxeetan erabilgarriak izan daitezke edo tokiko aldizkarietan argitara daitezke.

Hori dela eta, denbora-pasa guztien soluzioak bildu ditugu pdf dokumentu batean. Behin soluzioak deskargatuta, jatorrizko denbora-pasak behar izanez gero, Euskararen Etxeko sare sozialetara jotzea baino ez duzue, bertan baitaude guztiak argitaratuta.

Horrekin batera, jakinarazi nahi dizuegu, Euskararen Etxeak bere sare sozialak elikatzen jarraituko duela hainbat esparrutako edukiekin: euskalgintza, euskal kultura, hezkuntza eta euskara bera, jakina.