Etxea(e)ko Euskararen

Euskal Idazleen Elkarteak Irakurri, mesedez izeneko ekimena abiatu du hil honetan, Bilboko metroan. Kanpainak hiru ardatz ditu. Bizkaiko Foru Aldundiaren laguntzarekin egin da kanpaina, Loraldiarekin eta MetroBilbaorekin elkarnanean.

Ekimenaren xedea da Bizkaiko idazleak sustatzea: bertoko sortzaileak sustatu nahi ditu. Horretarako Irakurri, mesedez kanpaina aurkeztu nahi dizuegu. Iñaki Friera, Irati Jimenez, Jon Gerediaga, Julen Gabiria, Karmele Jaio, Kirmen Uribe, Leire Bilbao, Lutxo Egia, Miren Agur Meabe, Nerea Arrien, Paddy Rekalde, Rafa Ugalde, Sonia Gonzalez, Unai Iturriaga, Yolanda Arrieta, Alaine Agirre, Amaiz Iturbide, Asel luzarraga, Goizalde Landabaso, Gotzon Barandiaran, Igor Estankona…

• BilboMEtro erakusketa Portugaleten eta Sestaon. 2020ko abenduaren 10a bitartean.
  
• Irakurri, mesedez kaxa. Material banaketa. Testuak jasotzen dituen argitalpen eta maskarak gordetzeko zorrotxoa. Abendua zehar banatuko dira Portugalete eta Sestaon.
  
• Bideo sormen lanaren grabaketa. Arantza Ibarra zinemagilearen eskutik  ECCBI Zine eskolako kideekin eta Eneritz Artetxe aktorearekin. Azaroan grabaketa eta abenduan zabalkundea. Ahots grabazioetarako Bizkaia Irratiaren partaidetza ere izan dugu.

2021ko urtarrilaren 28an egingo da Topaldiaren edizio berria, Bilboko EHUren Bizkaia Aretoan. Jardunaldia Hizkuntza aniztasuna, zubi bat euskaratik izenburupean egingo da, hizkuntza aniztasuna jorratzeko asmoz.

“Aurten, hizkuntza aniztasunaren gaia dugu hizpide eta euskarak kohesiorako eta berdintasun sozialerako duen balioa landuko dugu”, iragarri du Euskaltzaleen Topaguneak.

Jardunaldian hainbat adituk parte hartuko ditu, besteak beste, Carme Junyent, Mario Zapata, Aizpea Otaegi eta Jasone Giraldo. Hartara, hamaika gai landuko dira; tartean, katalanaren etorkizuna, Errenteriako Udaleko eta Arrasateko Ekin Emakumeak Euskara Elkartearen esperientziak eta Migrazio erdalduna herri euskaldunetan: euskararen inguruko bizipenak eta iritziak ikerlanaren ondorioak.

“Euskarak harrera linguistikoan zein toki behar luke? Nola kudeatu bertako hizkuntza minorizatua, erdara hegemonikoak eta hizkuntza aniztasuna? Zein ikuspegirekin? 19. Topaldian galdera horiei erantzungo zaie, sona handiko adituak, ikerketa espezifikoak, herrietako esperientzia praktikoak eta protagonisten bizipenak jasoz”.

Eman izena!

UEUren arabera, iazko jardunaldian, laugarrenean, arnasguneen prebentzioaren ikuspegia gainditu eta lurgune euskaldunen eta arnasguneen garapen iraunkorra bermatzeko oinarriak proposatu zituzten.

Bada, oinarri horiek garatu eta zehaztuko dituzte Lurraldea eta Hizkuntza. Arnasguneen garapen jasangarrirantz jardunaldian, zeina 2021eko urtarrilaren 23an egingo den, Donostiako San Telmon, 9:00etatik 14:30era.

Antolatzaileen arabera, “Lurraldea eta Hizkuntza jardunaldien aurreko edizioek zerbait agerian jarri badute, hori izan da, hizkuntza-politika egin egiten dela politika publiko guztietan, eta politika publiko guztiek badutela eraginik euskararen normalizazio prozesuan; kasu askotan, eragin kaltegarriak, gainera. Eragin hori bereziki nabaria da arnasgune euskaldunetan (euskararen lurgune geografikoak), euskaraz normaltasunez eta naturaltasunez bizi diren herriak eta auzoak izanik, politika publikoak ezartzen baitira horietan, kontuan izan gabe euskararen erabileran duten inpaktua eta, oro har, ezta hizkuntza kudeaketa ere”.

Informazio gehiago: https://labur.eus/etygR

Euskal kultura eta emakumezko sortzaileak ardatz dituen Sormene egitaraua hasiko da gaur Galdakaon. Hilaren 20ra arte iraungo du eta hainbat ekitaldi bilduko ditu; tartean, musika emanaldiak, bertso saioak, literatur saioak, tailerrak eta hitzaldiak.

Egitasmoa estreinakoz egingo da eta bost helburu ditu: Sormene plazara gonbidatzea Euskal Herriko kultur proiektu aurrerazaleak; euskarazko kulturara erakartzea herrialde guztietako euskaldunak; Kulturaren zaleak sortzea eta sustatzea; sortzaileak izango diren zaleak adoretzea eta trebatzea; eta euskal kulturaren transmisioa bermatuko duen espazioa prestatzea. Gainera, Sormene proiektuaren bereizgarria izango da, eta emakumezko sortzaile euskaldunen lanak nabarmentzea, gaur egun dagoen hutsunea betetzen laguntzea ere helburu izango ditu.

Jaialdiak bi gune izango ditu, fisikoa Galdakaoko Torrezabal kultur etxean, eta birtuala sormene.eus webgunea. Horrekin batera, Berria egunkaria saio guztiak emango ditu webgune honetan.

Hauek dira jaialdian jasotako ekitaldi batzuk: gaur, bertsoa eta antzerkia uztartuko ditu Erradikalak ginen obrak, Ane Labaka eta Beatriz Egizabalekin. Bihar, literatura errezitaldia izango da Lizar Begoña, Leire Bilbao, eta Miren Agur Meaberekin. Asteazkenean, Tripa Kolektiboak Urruna antzezlan aurkeztuko du. Ostegunean, Kirats Teatroa  konpainiak Mariage d’Amour dantza eta antzerki emanaldia taularatuko du. Ostiralean, Emakume sortzaile euskaldunak egungo kantagintzan (trap, rap, hip-hop, reggetoia), J.Martina, Haizea eta Ningra eta Kai Nakai musikariekin. Larunbatean, Eñaut Elorrietak Irteera argiak aurkeztuko du, eta igandean, Aiko dantza taldea arituko da.

Bat Soziolinguistika Aldizkariaren 115. zenbakian, 2020ko hamarkadako hedabideetako euskarazko komunikazioa jorratzen da. Zenbaki berrian, honako artikulu hauek bildu dituzte:

• Josu Amezaga: Euskarazko komunikazioa lau hamarkada eta gero: irakurketa kritikoa
• Igor Astibia: Herri ekimeneko euskal hedabideak aurrera begira. Gogoeta baten lehen pausoak
• Libe Mimenza, Bea Narbaiza, Edorta Arana: Koronabirus pandemia eta online portaeren aldaketak (euskal) ekosistema mediatikoan
• Enric Marín i Otto: Iraultza digitala eta ikus-entzunezko egungo zerbitzu publikoa: hizkuntza eta subiranotasun kulturala. Katalan eta euskal kasuak
• Leire Palacios, Lorea Arakistain: Komunikazioa eremu digitalean: daukaguna eta datorrena
• Elixabete Garmendia: Komunikazioa inkomunikazio bihurtzen denean

EHUko 2020ko Uda Ikastaroen barnean Euskal Herriko Unibertsitateko Behategiak antolatutako Euskarazko komunikazioa 2020KO hamarkadako hedabideetan bildutako ezagutza da aldizkari berriarenmuina. “Ikastaro horren helburu nagusia ez zen soilik zenbait adituren irakaspenak entzutea baizik eta solasaldietan oinarrituta euskarazko komunikazioari buruzko gogoeta partekatua egitea”.

Literaturaren eta ahozkotasunaren inguruan ardaztutako Hi(ZKI)bridoak. Literatura Mutanteak zikloa atzo amaitu zen Euskararen Etxean egindako Bertso Saio Literarioarekin. Jendez betetako Berba aretoan, Mari Luz Esteban idazleak eta Maialen Lujanbio eta Miren Amuriza bertsolariek parte hartu zuten. Saioa halaber, streaming bidez ere eman zen.

Ekitaldiek oso harrera ona izan dute; hortaz, datorren urtean jarraitzea erabaki dugu. Hartara, 2021ean, Hi(ZKI)bridoak egitaraua itzuliko da, ahozkotasunetik eta letretatik abiatutako mutazio berriekin.

Euskararen Etxeak eta Bizkaiko Foru Aldundiko Euskara, Kirola eta Kultura Sailak hi(ZKI)bridoak zikloa abiatu zuen iragan otsailean Euskararen Etxeko irudi berria sustatzeko asmoz.

Guztira lau ekitaldi egin dira. Lehenengoa otsailaren 17an burutu zen, Buztinezko etorkizuna, Itxaro Borda irakurketan eta Ibon RG musikan. COVIDak eragindako pandemiaren ondorioz, gainerako ekitaldiak urritik abendura bitarte egin dira: Orainmenean, Txakur Gorria Sormen Kolektiboaren eskutik; Muga musika-taldearen Anfetamiña ikuskizuna; eta atzo burututako Bertso Saio Literarioa. Bidean gelditu da berruiz, Habiak egitasmoa, osasun-egoera tarteko. Ezinezkoa izan da tamaina horretako ekitaldia ganoraz egitea Anariren kontzertua eta Habiak diskoan oinarritutako arte-erakusketa kolektiboa biltzen baitzituen. Dena den, Habiak datorren urtean egiteko asmoa dugu, Booktegirekin lankidetzan.

Ekitaldi gehienak streaming bidez eman dira, beraz, Euskararen Etxeko Youtube kanalean ikus ditzakezue.

Kasu guztietan, aretoa bete egin da, eta harrera sekulakoa izan da. Honenbestez, mila esker gerturatu zareten guztioi, eta jakinarazi nahi dizuegu 2021ean Hi(ZKI)bridoak egitarauak mutatzen jarraitzeko asmoa duela. Halaber, eskerrak eman nahi dizkiegu Lanku, Loraldia eta Booktegiri bidean lagun mutante izan ditugulako.

Orain, ikastetxeek online plataforma baten bidez egin dezakete Euskararen Etxeko bisita, ikastetxeetatik konektatuz; Euskararen Interpretazio Zentroko edukiak modu dinamiko eta parte-hartzailean jasoko dituzte ikasleek, gidari espezializatu baten eskutik.

COVIDak eragindako egoerari erantzunez, aurrerantzean, ikastetxeek Euskararen Interpretazio Zentroko bisita online egiteko aukera dute. Dagoeneko hainbat ikastetxe konektatu dira; Interneterako konexioa baino ez da behar.

LH 3. mailatik Batxilergora arteko ikasleek parte har dezakete, baita Lanbide Heziketako ikasleek ere. 45 minutuko bisitak dira, eta euskaraz, gaztelaniaz edo ingelesez egin daiteke, baina euskarri eta material guztiak euskaraz izango dira.

Euskararen ibilbidea eta egoera ezagutzeaz gain, ikasleen esperientziak partekatzeko eta taldean hausnartzeko parada ere eskaintzen du.

Erreserbak: 944 028 081 (Erreserbak gutxienez bisita eguna baino hiru egun lehenago egin beharko dira).

Informazio gehiago

Zea Mays, Gatibu, Inoren Ero Ni, Liher, Sara Zozaya edo Raitx taldeak dira, besteak beste, Duragoko Azokak ondutako egitarauaren baitan joko duten taldeak. Emanaldietako batzuk, ohi denez, Durangoko Plateruenan egingo dira, baina aurten bizi dugun osasun-egoera kezkagarria tartetko, Durangoko Azokak hainbat kontzertu ondu ditu Euskal Herriko hainbat udalerritan, Zu non, han DA egitarau bereziaren baitan. Emanaldiotarako sarrera online eskuratu beharko dira.

Abenduak 4

Kai Nakaik estreinako diskoa aurkeztuko du, Durangoko Plateruenan, 19:30ean.

Abenduak 5

Gatibuk Musikak Salbatuko Gaitu lana haizatuko du du Azpeitian, Soreasu antzokian, 16:30ean. Horrekin baetra, Liher eta Sorkari Atarrabiako Totem aretoan arituko dira, 16:30etik aurrera. Silicies Grizzlies eta Kyxo taldeak azkenik, Donostian izango dira, Dabadaban, 18:00etan.

Abenduak 6

Kontzertu guztiak 18:00etan hasiko dira:

Izate Faltsua eta Rodeo, Amurrioko Burubion.
Kaleko Urdangak eta Perlata, Atarrabiako Totemen.
Gatom eta J Martina, Bermeoko Kafe Antzokian.
Dena eta Habi, Donostiako Dabadaban.
Brigade Loco eta Barne Guda, Gasteizko Jimmy Jazzen.
Dupla eta Nikotina, Ondarroako Beikozinin

Abenduak 7

Joseba Irazoki eta Inoren Ero Ni, Bermeoko Kafe Antzokian 18:00etan.
Raitx (Maketa Lehiaketako azken irabazlea) eta Burrundariak, Donostiako Doka, 18:00etan.
Sara Zozaya Amurrioko Burubion, 19:00etan.
Zea Mays, Bilboko Euskalduna jauregian, 19:00etan.

Abenduak 8

Patxuko Nice, Ondarroako Beikozinin, 17:00etan.
Mihise eta Kaskezur, Donostiako Dokan, 18:00etan.
Amorante eta Moxal, Gasteizko Jimmy Jazzen, 18:00etan.
Sua, Azpeitiako Sanagustin kultur aretoan, 19:00etan.
Nøgen, Bilboko Euskaldunan, 19:00etan.
Ezpalak, Ondarroako Beikozinin, 19:00etan.

Bihar, azaroak 28, Jokoteknia Euskarazko Bideo-jokoen III. Jardunaldia egingo da Euskararen Etxean, 9:45etik 14:00ak aldera. Ekitaldia streaming bidez baino ezin izango da ikusi, egun bizi dugun osasun zentroa tarteko.

Lau hitzaldi eta mahai-inguru bat izango dira ekitaldian, hainbat gai jorratzeko helburuarekin: animazioa bideo-jokoetan, bideo-jokoen lokalizazioa, katalana eta bideo-jokoak eta eJokoak familian.

Hala, euskal bideo-jokogintzaren industriako aditu, ikasle eta jokalariak batera jarriko dira egungo proiektu interesgarriak ezagutzeko, industriaren azterketa egiteko eta aurrera begirako ildoak zeintzuk diren argitzen saiatzeko.

Aurten, Jokoteknia internet bidez baino ez da ikusiko. Bi bide izango dira horretarako: Azkue Fundazioaren YouTube Kanala kanala eta Game Erauntsiaren Twitch kanala.

Jokoteknia Euskarazko Bideo-jokoen III. Jardunaldia egingo da Euskararen Etxean“Hala, antolatzaileok , Game Erauntsia eta Azkeu Fundazioa., Bilbon bilduko gara hizlariekin eta bitartekari lana egingo dugu publikoarekin. Ikus-entzunleek Internet bidez bidalitako galderak adituei helaraziko dizkiegu zuzenean erantzun dezaten. Horretarako, YouTubeko eta Twicheko txatak erabili daitezke, baina Twitterren ere adi izango gara Game Erauntsia eta Azkue Fundazioa”.