Etxea(e)ko Euskararen

UEUk Euskararen estatus juridikoa Euskal Herrian: egoerak eta aukerak (Hasierako atala) ikastaroa egingo du ekainaren 6an, Iruñeko Kondestablearen jauregian, 10:00etatik 14:00etara bitarte. Ikastaroa presentziala izango da, eta gaur, ekainak 4, amaitzen da izena emateko epea.

UEK jakinarazi duenez, “Euskararen estatus juridikoa Euskal Herrian konplexua da. Hiru estatus oso desberdin ditugu Nafarroa Garaian, Ipar Euskal Herrian, eta Euskadiko Autonomia Erkidegoan (EAE). Gaia pil-pilean dago azkenaldian EAEn euskara nozitzen ari den oldarraldi judizialagatik. UEUk jardunaldi hau ikuspegi zabaletik planteatzen du, egungo koiunturaz haratago, gure esparrukoa den ekarpen akademikoa eginez.

Helburua bikoitza da: alde batetik, bizi dugun esparru juridikoaren irakurketa akademikoa konpartitzea, eta bere arazoak eta zalantzak plazaratzea. Horrekin batera, ikuspegi anitzekoa eta nolabait prospektiboa den gogoeta bultzatu nahi dugu, ertz desberdinetatik helduta, euskararen egoera eta etorkizunari buruzko gogoetarako klabeak emanez”.

Egitaraua ikusteko, sartu hemen.

2022ko Euskarazko kultur ekitaldien sorkuntzarako Hi(ZKI)bridoak laguntza jaso duen Hau gerra bat da lana aurkeztuko du Piszifaktoria Ideien Laborategiak Bilbon, Bizkaia Aretoan, maiatzaren 21ean, 18:30ean, eta Gasteizen, La Monstrenka aretoan, 20:00etatik aurrera.

“Ikasturteari agur esateko, Hau gerra bat da ikuskizunaren bi saio egingo ditugu maiatzean. Mundua txikitzen duten gerrez hausnartzeko aukera ematen digun ikuskizun hau benetan berezia da, gerra batean murgilduko dituelako ikusleak eta haien erabakiekin egingo duelako aurrera istorioak”, Piszifaktoria Ideien Laborategia.

Irati Agirreazkuenaga, Iholdi Beristain, Igor Arzuaga eta Mikel Ayllon ariko dira zuzenean azken horrek idatzi eta zuzendutako obra honetan.

Ekainaren 13an egingo du UEUk Lan eta bizi euskaraz. Eremu sozioekonomikoa euskalduntzeko estrategia berriak arnasguneetatik ikastaroa Tolosako Kultur Etxean, 9:00etatik 16:30era.

Ikastaroa presentziala izango da, eta 10 orduko iraupena izango du. Matrikula-epea zabalik da, ekainaren 10era bitarte.

UEUren arabera, “euskararen normalizazioaren ikuspegitik, eremu sozioekonomikoaren eragina eta izaera egituratzailea agerikoa da. Gure bizitzaren parte handi bat lanean ematen dugu eta beste parte handi bat inoren lanaz baliatzen. Hala ere, jakin badakigu, hizkuntzaren aldetik harreman sozioekonomikoak ez direla neutroak: merkatuaren indarrek hizkuntza batzuk bultzatzen eta indartzen dituzte, eta beste batzuk zokoratu eta ahuldu.

Hala, geroz eta globalizatuago, neoliberalizatuago eta tertziarizatuago dagoen ekonomia batean ba al da lekurik euskararentzat? Enpresa ikuspegitik, baldin eta halakorik badu, zein da euskararen balio erantsia? Borroka sindikalean zein paper dauka hizkuntzak? Politika publikoen bidez bideratzen diren neurriak nahikoa al dira eremu sozioekonomikoan euskara normalizatzeko? Arnasguneek, dituzten ezaugarriengatik, zein aukera eskaintzen dituzte estrategia berrien diseinurako?

Udako ikastaro honek plaza eskaini nahi du eremu sozioekonomikoa euskalduntzeko estrategia, diskurtso eta lan-ildo berriak elkarrekin pentsatzeko”.

Ikastaroari lotutako xehetasun guztiak, hemen.

Bizkaiko museoak hainbat jarduera ondu dituzte maiatzaren 18an ospatuko den Museoen Nazioarteko Egunaren harira, tartean, “doako sarrerak zentro gehienetan eta Bizkaiko museoen aberastasuna ezagutzeko eta aintzatesteko Bilboko Campo Volantinen egingo den ihes-gela bat”.

Egitarau osoa gaur bertan aurkeztu du Leixuri Arrizabalaga Euskara, Kultura eta Kirol diputatuak, Bizkaiko museoetako 30 ordezkari baino gehiagorekin batera.

Bizkaiko Foru Aldundiak jakinarazi duenez, “Bizkaiak bat egiten du aurten ere ICOMek bultzatutako efemeride honekin, arreta lurraldeko berrogei museo baino gehiagotan, museo horien askotarikotasunean eta kultur eskaintza oparoan jartzeko. Aurten ospakizunaren ardatza Museoak hezkuntzaren eta ikerketaren alde da”.

Bada, egun hori ospatzeko museoek antolatu antolatu dituzten jardueren artean kalean jarriko den ihes-gela bat dago: “Jolas-dinamika hau publiko orori zuzenduta dago eta museoek duten garrantzia, eskaintzen duten guztia eta gizartea eta kultura aberasteko egiten duten ekarpena ezagutzeko modu bat da, ikasteko, ikertzeko eta kultura zabaltzeko funtsezko lekuak direlako. Escape Room honetan sartzea doakoa da, baina parte hartzea ziurtatzeko bizkaikomuseoak@bizkaia.eus-en bidez izena ematea gomendatzen da”. Maiatzaren 18an izango da, 11:00etatik 14:00etara eta 16:00etatik 20:00etara, Bilboko Campo Volantin kalean.

Gainerako jardueren berri izateko, sartu www.museoeneguna.eus webgunean.

Euskararen Etxeko Euskararen Interpretazio Zentroak ere parte hartu du ekimenean.

Durangoko Berbaro euskara-elkarteak 35 urteko ibilbidea beteko du aurten. Hori dela eta, egitarau berezia ondu du Plateruenan, maiatzaren 31n.

“Maiatzaren 31 Durangoko euskaltzaleak batzeko eguna izatea nahi dugu, durangarrak euskararen alde biltzeko eguna. Ehundaka eta ehundaka lagun izan gara Berbaroren proiektuaren alde ekin dugunak, ekiemenetan parte hartu duguank, hezitzaile moduan ibili garenak… Horiek guztiak elkartu eta Berbaroren 35. urteurrena ospatzeko eguna izango da maiatzaren 31koa”.

Egitaraua:

18:00: Umeen txokoa: serigrafía tailerra, txapa tailerra…

20:00: Antzerkia: ni eta nitarrak, Iholdi Beristainen eskutik.

20:45: Ekitaldia: Bagara nor

21:00: Trikipoteoa Alde Zaharrera

Informazio gehiago, hemen.

Ekainaren 6tik uztailaren 10era egingo dira ikastaroak, eta aurtengo eskaintza askotarikoa eta oparoa da.

Euskararen estatus juridikoa Euskal Herrian: egoerak eta aukera saioaren bitartez hasiko dira ikastaroak Iruñean, ekainaren 6an: “Euskararen estatus juridikoa Euskal Herrian konplexua da. Hiru estatus oso desberdin ditugu Nafarroa Garaian, Ipar Euskal Herrian, eta Euskadiko Autonomia Erkidegoan (EAE). Gaia pil-pilean dago azkenaldian EAEn euskara nozitzen ari den oldarraldi judizialagatik. UEUk jardunaldi hau ikuspegi zabaletik planteatzen du, egungo koiunturaz haratago, gure esparrukoa den ekarpen akademikoa eginez”.

Aipatutako ikastaro horren ondotik euskararen inguruan ardaztuko diren beste bi ikastaro izango dira: Lan eta bizi euskaraz. Eremu sozioekonomikoa euskalduntzeko estrategia berriak arnasguneetatik Tolosa, ekainak 13, eta Euskarazko Rol Jokoen Olatu Berria: azken urteetako proposamenak ezagutu, ulertu eta jokatzeko tartea Eibar, ekainak 15.

Ikastaroen zerrenda osoa, hemen.

Loraldiak eskola topaketa antolatu du euskal kulturaren transmisioaz eztabaidatzeko hezkuntza ingurunean, Euskarazko kultur transmisiorako giltzak irakaskuntza arautuan izenburupean.

Jardunaldia Bilbon kokatutako Euskararen Etxean egingo da, maiatzaren 17a, 10:00etatik 12:00etara.

“Hezkuntza arlora zuzenduta, esperientzia ezberdinak partekatzea du helburu (jardunaldiak), Loraldia Eskolaren proiektua ezagutaraztearekin batera”. Modu presentzialean eta streaming bidez parte hartu ahalko da.

Egitaraua:

9.30-10:00: Harrera kafea

10:00-10:10: Ongi etorria eta aurkezpena

10:10-10:50: Hezkuntza ingurunean euskal kulturaren transmisioa jorratzen duten proiektuen aurkezpenak:

• Euskararen Etxea. Iurdana Acasuso Euskararen Etxeko zuzendaria
• Idazleak ikastetxeetan. Euskal Idazleen Elkartea. Garazi Albizua idazlea eta EIEko teknikaria
• Bertso eskola. Bertsozale Elkartea. Oihane Perea Perez de Mendiola Arabako Bertsozale Elkartean hezkuntzako proiektuaren arduraduna
• Loraldia Eskola. Loraldia. Erika Uranga Loraldia Eskolako arduradun pedagogikoa

11:00-11:50: Mahai-ingurua

11:50-11:55: Ondorioak

11:55-12:00: Agurra

Izena emateko, hemen.

Aurtengo udan ere, Euskararen Etxeak  “Euskararen Interpretazio Zentroan, udan, hitz eta jolas!” haurrentzako egonaldia antolatuko du.

Ekimenaren xedea da Euskararen Interpretazio Zentroko  (EIZ) eduki guztiekin lotutako programa egokitua eskaintzea,  goizez eta bost egunean.

Hiru txanda izango dira, eta 6 eta 10 urte bitarteko umeei zuzenduta egongo da. Zerbitzua doakoa izango da, baina 20 euroko fidantza jarri beharko da.

Izena emateko epemuga MAIATZAREN 31a izango da.

Egonaldian, EIZn bildutako edukiak landuko dira; betiere, umeen adin-tarteetara egokituak, eta modu ludiko eta dibertigarrian jorratzeko moduan. Antzerkia, hitz-jolasak, dantza, kantagintza, eta oro har euskararekin eta sormenarekin lotutako hainbat jardueratan parte hartuko dute haurrek.

Egonaldiaren txandak:

• Ekainaren 24tik 28ra
• Uztailaren 1etik 5era
• Uztailaren 8tik 12ra

Egonaldiari buruzko bestelako xehetasunak:

• Adin-tartea:  6-10 urte
• Talde kopurua :  8-15 ume
• Ordutegia:  10:00 – 13:30 
• Doakoa + Fidantza (20€)
• Izena emateko epemuga MAIATZAREN 31a izango da, eta eskaerak jasotako ordenan onartuko dira eskaerak fidantza apirilaren 18a baino lehen ekarri beharko Euskararen Etxera)
• Egonaldian parte hartu nahi izanez gero, deitu Euskararen Etxera: 94 402 80 81

EkosistemaBizia lelopean egingo da jardunaldia, Soziolinguistika Klusterrak 20 urte betetzen dituenean. “Bilgune izan nahi du, euskal soziolinguistikaren jarduna aztertzeko eta datozen urteetako erronken inguruan elkarrekin hausnartzeko”.

“2024ko Euskal Soziolinguistika Jardunaldian, euskara biziberritzeko interesgarriak eta baliagarriak izan daitezkeen zenbait auziri helduko diegu. Eta, bide batez, hurrengo 20 urteetan datorrenaz eta egin nahi genukeen bideaz hausnartuko dugu. Urtero bezala, euskal soziolinguistikaren ekosistema biziaren topagune izan nahi du jardunaldiak; ikerlariak, aktibistak, erakunde arduradunak, teknikariak, irakasleak, aholkulariak eta ekosistema hau osatzen duten denetariko izakiak elkarlanean jartzea aurrera begira emankorra dela baitakigu”.

Egitaraua:

9:00	DOKUMENTAZIO BANAKETA
9:15	IREKIERA
9:30	HITZALDIA Hizkuntza gutxituaren inguruko diskurtso emergenteak Katalunian [Hitzaldia gaztelaniaz] Avel-li Flors (CUSC-Universitat de Barcelona)
10:30	PANELA Hizkuntza gutxituaren inguruko diskurtso emergenteak Euskal Herrian Diskurtsoak etnizitatetik haratago – Onintza Legorburu (Emun) Hizkuntzak bizindartzeaz, galtzeaz baino gehiago – Xan Aire (Plazara) Inposizioak, pribilegioak, eta beste botere gatazka batzuk – Mikel P. Ansa (Berria)
11:30	ATSEDENALDIA
12:00	TAILERRAK (Talde-ariketak)
	1.   Soziolinguistika Hezkuntzan – Soziolinguistika Klusterra eta EAEko Berritzegune Nagusia
	2.   Immigrazioa eta integrazio soziolinguistikoa – Soziolinguistika Klusterra
	3.   Kirol antolatuaren lekua euskararen biziberritzean – Emun
14:00	BAZKARIA
15:00	HITZALDIA Katalanaren soziolinguistikaren ekosistema [Hitzaldia gaztelaniaz] Avel-li Flors (CUSC-Universitat de Barcelona)

Informazio gehiago, hemen.