BizkaiaGara-ren helburua da gizarte-eremu guztietatik (ingurumena, kultura, gizartea, kirola…) eta eragile guztietatik (erakundeak, taldeak, enpresak, erakundeak, pertsonak, ikastetxeak eta unibertsitateak) bultzatutako proiektuak aktibatzea, laguntzea eta konektatzea, gure lurraldea herritarren parte-hartze aktiboaren bidez hobetzen lagundu nahi duten proiektuak, hain zuzen ere.
Bada, BizkaiaGarak 2024an duen erronketako bat izan da Euskararekin lotutako guztia estrategikotzat hartzea, Bizkaian lan hori egiten duten erakunde eta antolakundeen eskutik aktibazioa behar duten ekintza guztietan laguntzeko eta balioa emateko.
Hala, “hilabete batzuk elkarte desberdinei entzuten eta ezagutzen ari gara, orain uste dugu saio batean elkartzea eta norantz era kolektibo batean joatea momentua dela eta BizkaiaGaratik honen ardura hartu nahi dugu”.
Horiek horrela Ez lekurantz: basamortu emankor baterantz jardunaldia azaroaren 14an egingo dute, Euskararen Etxean, 11:00etatik 13:30era.
Parte hartu nahi izanez gero, eman izena.
norantz: “Ez lekurantz: basamortu emankor baterantz”
- Lehen urrats gisa, amets bat marraztuko dugu.
- Sortzeko eta sortzaileak izateko bi ordu eta erdiko saio batera gonbidatzen zaituztegu.
- Gaur egungo errealitatetik Euskara arloan egiten ari diren ekintzei eta proposamenei gure bultzada eta indarra eman nahi diegu kolektiboki, horretarako saio hau egin nahi dugu.
- Ez dakigu norantz eramango gaituen, baina badakigu zuekin batera joan nahi dugula.
zer egingo dugu:
- “Pandora” kutxa irekiko dugu.
- Dinamika desberdineen bidez kolektiboki bidea sortzea.
- Zuen eta gure kezkak, susmoak, ametsak eta aukerak hartu nahi ditugu, danon tresnak ikusarazi eta partekatu.
- 2025. urtean pentsatu, landu eta partekatu dugunarekin lanean jarraitzea, zuen eskutik joanda, noski.
